नाशिक | नाशिकमधून आयएएस अधिकारी तुकाराम मुंढे यांची बदली झाल्यानंतर तेथील भाजप कार्यकर्त्यांनी नाशिकच्या महापौर रंजना भानसी यांच्या रामायण या बंगल्यासमोर फटाके फोडून आनंद व्यक्त केला होता. या प्रकारामुळे नाशिकच्या सरकारवाडा पोलीस ठाण्यात महापौर भानसी यांच्या विरोधात नाशिककरांनी तक्रार दाखल केली असून त्यांच्यावर गुन्हा दाखल करण्याची देखील मागणी केली आहे. त्यामुळे तुकाराम मुंढेंच्या बदलीचा आनंद व्यक्त करणे महापौर रंजना भानसी यांना महागात पडणार आहे.
न्यायालयाने आखून दिलेली वेळ न पाळता दुपारी १२ वाजता फटाके फोडून महापौर भानसी यांनी न्यायालयाचा अवमान केला आहे असा आरोप नाशिककरांनी या तक्रारीत करण्यात आला आहे. तुकाराम मुंढे यांनी आपले आयुक्त कार्यालय सोडल्यानंतर लगेचच भाजप कार्यकत्यांनी महापौर रंजना भानसी यांच्या बंगल्याबाहेर फटाके फोडत तुकाराम मुंढेंच्या बदलीबाबत आनंद व्यक्त केला.
तुकाराम मुंढे हे नाशिक महापालिकेचे आयुक्त होते. मात्र गुरुवारी त्यांची नाशिकहून बदली करण्यात आली असून मुंबईत मंत्रालयात सहसचिवपदी त्यांची नियुक्ती करण्यात आली आहे. अाॅगस्ट महिन्यात मुंढे यांच्याविराेधात अविश्वास ठराव आणण्याचा प्रयत्न देखील करण्यात आले होते. मात्र मुख्यमंत्र्यांनी पक्षाच्या नेत्यांना समज देत हा ठराव मागे घ्यायला लावला हाेता. त्यांची २०१६ पासूनची ही चौथी बदली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
