HW News Marathi
राजकारण

राष्ट्रवादी करणार १८ नगरसेवकांवर कारवाई

अहमनदनगर । राष्ट्रवादी काँग्रेसच्या १८ नगरसेवकांनी पक्षांनी दिलेले आदेश धुडकावून भाजपला पाठिंबा दिला. अहमदनगरमधील राष्ट्रवादी कॉंग्रेसच्या १८ नगरसेवकांवर येत्या ४ ते ५ दिवसात कारवाई करण्यात येणार असल्याचे राष्ट्रवादी कॉंग्रेसचे अध्यक्ष शरद पवार यांनी आदेश दिले आहे. पवार यांनी रविवारी(३० डिसेंबर) अहमदनगर येथील झालेल्या पत्रकार परीषदेदरम्यान बोलत होते.

नगर महापालिकेत कुठल्या कारणांमुळे भाजपला पाठिंबा दिला गेला. पक्षादेश का डावलला गेला. याची चौकशी आम्ही करणार आहोत. नगरच्या झालेल्या निवडणुकीसंदर्भात सर्व माहिती मागितली असून या प्रकरणाची गंभीर दखल पक्षाने घेतली आहे. पक्षाकडून येत्या ४ किंवा ५ जानेवारीला होणाऱ्या बैठकीत नगरसेवकांवर कारवाई केली जाणार आहे. यासंदर्भात शहर जिल्हाध्यक्षांकडे अहवाल मागितला असल्याचेही यावेळी पवारांनी सांगितले.

आगामी निवडणुकीत राष्ट्रवादीला या घटनेचा मोठा फटका बसण्याची शक्यता असल्याने नगरसेवकांवर कारवाई करण्यात येणार असल्याची माहिती मिळाली आहे. महापौर निवडणुकांत स्थानिक नेत्यांनी पक्षादेश झुगारुन निर्णय घेतल्याचे दिसून येत आहे. जर पक्षाला विचारत न घेता भाजपला पाठिंबा देण्याचा निर्णय घेण्यात आला असल्यास संबंधित नगरसेवकांवर कारवाई केली जाईल, असे पवार यांनी म्हटले आहे.

महापौर निवडणुकांवेळी राष्ट्रवादी काँग्रेसने भाजपला पाठिंबा दिल्यानंतर सर्वच स्तरातून राष्ट्रवादीला लक्ष्य करण्यात आलं होत. तर राष्ट्रवादी काँग्रेसचे वरिष्ठ नेतेही चकीत झाले आहेत. परंतु याबाबत मी माहिती घेतली असून आमच्या राज्य पक्षाध्यक्षांनी असा कुठलाही आदेश दिला नव्हता, अशी माहीती खुद्द पवार यांनी दिली आहे.

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

राज्यातील सत्तासंघर्षाचे पडसाद सोशल मीडियावर

News Desk

अखेर शबरीमाला मंदिरात महिलांना प्रवेश

News Desk