मुंबई | लोडशेडींगमुळे ( भारनियमन) राज्यातील जनता हैराण झाली असून याविरोधात राष्ट्रवादी महिला काँग्रेसच्यावतीने ज्या-ज्याठिकाणी लोडशेडिंग ( भारनियमन ) आहे. त्याठिकाणी १२ ऑक्टोबर रोजी सायंकाळी ६.३० वाजता ‘कंदील’ आंदोलन करण्यात येणार आहे. शिवाय युवक संघटनेच्यावतीने एमएसईबीच्या कार्यालयासमोर तीव्र आंदोलन करून निषेध नोंदविला जाणार आहे. अशी माहिती प्रदेशाध्यक्ष आमदार जयंत पाटील यांनी दिली.
राज्यामध्ये दुष्काळाच्या झळा शेतकऱ्यांना सहन कराव्या लागत असतानाच आता वीजवितरण महामंडळाकडून लोडशेडिंग ( भारनियमन ) केले जात असल्याने सर्वसामान्य जनता पुरती बेजार झाली आहे. राज्यातील जनतेच्या समस्यांसाठी सरकारविरोधात आक्रमकपणे लढत असलेल्या राष्ट्रवादी काँग्रेस पक्षाने आता लोडशेडिंगच्याविरोधात आंदोलनाचे रणशिंग फुंकले आहे.
राज्यात ज्या ज्याठिकाणी लोडशेडिंग ( भारनियमन ) सुरु आहे त्या त्याठिकाणी राष्ट्रवादीच्या महिला पदाधिकारी आणि कार्यकर्त्या ‘कंदील’ आंदोलन करणार आहेत. शिवाय राष्ट्रवादीची युवक संघटना एमएसईबीच्या कार्यालयासमोर वैध मार्गाने आंदोलन करून जाब विचारणार आहे. त्यामुळे राष्ट्रवादीच्या या अनोख्या आंदोलनाकडे सगळयांचे लक्ष लागले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
