पुणे | राष्ट्रवादी काँग्रेसकडून येत्या ३ ऑक्टोबर रोजी ‘संविधान बचाव, देश बचाव’ कार्यक्रमाचे आयोजन करण्यात येणार आहे, अशी माहिती माजी मंत्री फौजिया खान यांनी दिली आहे. फौजिया खान की, देशातील सद्यस्थिती पाहता संविधान धोक्यात असल्याचे समजते. न्यायव्यवस्था, निवडणूक आयोगावरही सरकारचे नियंत्रण असल्याने लोकशाही धोक्यात आली असून संविधान बचाव कार्यक्रम हाती घेतल्याचे त्यांनी सांगितले आहे.
फौजिया खान यांनी बैठक घेऊन ३ ऑक्टोबरच्या कार्यक्रमाची आखणी केली आहे. या कार्यक्रमाला राष्ट्रवादीचे अध्यक्ष शरद पवार, माजी उपमुख्यमंत्री अजित पवार यांच्यासह सर्व वरिष्ठ नेते उपस्थिती लावणार असल्याची माहिती खान यांनी दिली आहे. दिल्ली, मुंबई, नाशिक, औरंगाबादनंतर पुण्यातदेखील हा कार्यक्रम घेतला जाणार आहे. त्यानंतर औरंगाबाद आणि कोकण विभागातही हा कार्यक्रम करणार आहोत, असेही त्यांनी यावेळी सांगितले. सरकारच्या ईव्हीएम मशीन धोरणावरही त्यांनी टीका केली आहे. यावेळी खासदार वंदना चव्हाण, विद्या चव्हाण, महिला शहराध्यक्षा रुपाली चाकणकर, वैशाली नागवडे आदी उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
