मुंबई | “संभाजी भिडेंची पिलावळ राष्ट्रवादीमध्ये सक्रीय आहे. त्यामुळे काँग्रेससोबत युती करण्याची आमची इच्छा आहे, मात्र आम्ही कधीही राष्ट्रवादी काँग्रेसबरोबर एकत्र येऊ शकत नाही असे,” भारिप बहुजन महासंघाचे अध्यक्ष अॅड. प्रकाश आंबेडकर यांनी म्हटले आहे. शरद पवार हे धर्मनिरपेक्ष असले तरी त्यांचा पक्ष धर्मनिरपेक्ष नाही. त्यांच्याच पक्षातील उदयनराजे भोसले संभाजी भिडेंची जाहीर स्तुती करतात. त्यामुळे आम्ही कधीही राष्ट्रवादीसोबत युती करु शकत नाही, असे आंबेडकर यावेळी म्हणाले.
मुंबईत घेतलेल्या पत्रकार परिषदेत प्रकाश आंबेडकर बोलत होते. यावेळी आंबेडकर यांनी काँग्रेसचे कौतुक करताना राष्ट्रवादी काँग्रेसला मात्र धारेवर धरले. “आम्ही काँग्रेसबरोबर युती करण्यास इच्छुक आहोत. निवडणुकांसाठी अर्ज भरायच्या शेवटच्या दिवसांपर्यंत आम्ही काँग्रेससोबत जाण्यास तयार आहोत. परंतु काँग्रेसच्या मित्रपक्षांबरोबर आम्ही जाणार नाही,” असेही आंबेडकर यांनी स्पष्ट केले आहे.
भारिप बहुजन महासंघाने आगामी निवडणुकांसाठी ओवेसी यांच्या एमआयएमबरोबर युती करण्याचा निर्णय घेतल्यामुळे प्रकाश आंबेडकर यांच्यावर टीका करण्यात आली. मात्र, आपल्या या निर्णयाचे समर्थन करत त्यांनी आपली भूमिका स्पष्ट केली आहे. त्याचप्रमाणे एमआयएमसोबत युती करून निवडणूक लढवणार असल्याचा आमचा निर्णय पक्का आहे, असेही आंबेडकर यांनी स्पष्टपणे सांगितले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
