मुंबई | ‘निर्धार परिवर्तनाचा’ ही भूमिका घेवून रायगडावर छत्रपती शिवाजी महाराजांच्या दर्शनाने आणि महाडच्या चवदार तळयाच्या परिसरात पहिली सभा घेवून राज्यभर राष्ट्रवादी काँग्रेस पक्षाच्यावतीने ९ जानेवारीपासून परिवर्तन यात्रा सुरु करणार असल्याची माहिती प्रदेशाध्यक्ष आमदार जयंतराव पाटील यांनी दिली.
राष्ट्रवादी काँग्रेसने भाजप सरकारच्याविरोधात राज्यभर हल्लाबोलच्या माध्यमातून रान उठवले होते आणि या हल्लाबोल आंदोलनाला राज्यात उत्स्फूर्त प्रतिसादही जनतेने दिला होता. राज्यभर राष्ट्रवादीने हल्लाबोलच्या माध्यमातून भाजप सरकारवर जोरदार हल्लाबोल करत सरकारच्या कारभाराचे वाभाडे काढले होते आणि आता परिवर्तन यात्रा काढून केंद्र व राज्यसरकाच्या कारभाराचे पुन्हा एकदा वाभाडे काढत तो कारभार जनतेपर्यंत पोचवला जाणार आहे.
केंद्र आणि राज्यसरकारचे अपयश लोकांसमोर मांडून लोकांच्यामध्ये जावून महाराष्ट्रात सर्व समाज संघटीत करुन भाजप-सेनेच्याविरोधात ही परिवर्तनाची यात्रा काढणार आहोत असेही जयंतराव पाटील यांनी सांगितले. सर्वव्यापी असे या परिवर्तन यात्रेचे स्वरुप असणार आहे.परिवर्तनाची भूमिका घेवून आता परिवर्तन अटळ आहे. हे महाराष्ट्रातील सर्व समाजाला आणि सर्व घटकाला नरेंद्र मोदी आणि महाराष्ट्रातील भाजपच्या सरकारने जो भ्रमनिरास केला आहे ज्यांना फसवले आहे त्या सर्वांच्यासमोर जावून ही भूमिका मांडणार असल्याचा आमचा महत्वाचा भाग आहे असेही जयंतराव पाटील यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
