मुंबई | कोकण पदवीधर मतदारसंघाचे आमदार निरंजन डावखरे भाजपमध्ये प्रवेश करणार असल्याचे वृत्त आहे. डावखरे यांनी आपल्या पदाचा राजीनामा दिला असून पक्षांतर्गत असलेल्या वादाला कंटाळून ते भाजपात जात असल्याची सध्या राजकीय वर्तुळात चर्चा आहे. येत्या निवडणुकीत त्यांना आमदारकी मिळावी म्हणून त्यांनी भाजपात जाण्याचा निर्णय घेतल्याचे बोलले जात आहे.
डावखरेंनी भाजपात यावे यासाठी मुख्यमंत्री देवेंद्र फडणवीस यांनी प्रयत्न केल्याचे सांगितले जात आहे. निरंजन डावखरे हे वसंत डावखरे यांचे राजकीय वारसदार आहेत. वसंत डावखरे हे शरद पवारांचे निष्ठावान म्हणून ओळखले जायचे. सोबतच डावखरे यांचे सर्वपक्षीयांसोबतच शिवसेनेशी उत्तम संबंध होते. जानेवारी 2018 मध्ये वसंत डावखरे यांचे दीर्घ आजाराने निधन झाले. त्यामुळे निरंजन डावखरे राजकारणात सध्या एकाकी पडले आहेत. दरम्यान, जुलै 2012 मध्ये ते कोकण पदवीधर मतदारसंघातून आमदार म्हणून निवडून गेले होते. येत्या निवडणुकीत शिवसेना व राष्ट्रवादीला शह देण्यासाठी डावखरेंसारख्या नेत्याची भाजपाला गरज असल्यामुळे येत्या काळात डावखरेंसारख्या नेत्याची गरज असल्यामुळे डावखरे भाजपमध्ये जाणार असल्याची चर्चा आहे.
राष्ट्रवादी कॉंग्रेसमध्ये गेल्या काही वर्षांपासून सुरू असलेल्या स्थानिक पक्षांतर्गत राजकारणाला कंटाळून आपण आज राष्ट्रवादी कॉंग्रेसबाहेर पडत आहोत. त्याचबरोबर मी आमदारकीचाही राजीनामा दिला आहे. यापुढील वाटचाल मी लवकरच जाहीर करेन.
— Niranjan Davkhare (@niranjandtweets) May 23, 2018
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
