अहमदाबाद । पंतप्रधान नरेंद्र मोदी यांनी आज (२३ एप्रिल) अहमदाबादमध्ये केले मतदान करून आपला हक्क बजावला. यावेळी त्यांची एक झलक पाहण्यासाठी नागरिकांनी मोठी गर्दी केली होती. मतदानानंतर मोदींनी त्यांच्या वाहनामधून पत्रकारांशी संवाद साधला. यावेळी त्यांच्यासोबत भाजप अध्याक्ष अमित शाह देखील उपस्थित होते.
पंतप्रधान मोदी म्हणाले की, “देशात आज तिसऱ्या टप्प्यातील मतदान होत आहे. हे माझे भाग्य आहे की, मला आज माझे कर्तव्य पार पाडण्याचे सौभाग्य प्राप्त झाले. मी माझ्या मतदारसंघात मतदान करून या लोकशाहीच्या पर्वात सहभाग घेतला आहे. सर्वांनी मतदान करावे, असे आवाहन मोदींनी देशातील नागरिकांना केले. मतदान केल्यानंतर कुंभच्या मेळ्यात स्नान केल्यानंतर जे भाग्य लाभते ते भाग्य आज मला लाभले”, असे पंतप्रधान मोदी म्हणाले. “मतदान केल्याने मला पवित्रता लाभते. लोकशाहीच्या या पर्वात उत्साहात सहभागी व्हा”, असे पंतप्रधान मोदी म्हणाले.
“मतदान कुणाला करायचे हे भारतातील मतदारांना समजते. २१ व्या शतकात जन्मलेल्या आणि पहिल्यांदाच लोकसभेला मतदान करणाऱ्या सर्व युवा मतदारांना या लोकशाहीच्या पर्वात देशातील निर्णायक सरकार बनविण्यासाठीच्या सहकार्यासासाठी शुभेच्छा देतो”, असेही पंतप्रधान मोदी यावेळी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
