नवी दिल्ली । पंतप्रधान नरेंद्र मोदी आज (१ नोव्हेंबर)लघु आणि मध्यम उद्योगांसाठी (एमएसएमई) व्याजावरच्या अनुदानाबाबत मोठी घोषणा करण्याची शक्यता आहे. पंतप्रधान मोदी मोठ्या घोषणा करणार आहेत ही माहिती सूत्रांच्या सहाय्याने मिळाली आहे. पंतप्रधानांच्या घोषणेने एमएसएमई क्षेत्राला मोठ्या प्रमाणात फायदा होणार आहे. तसेच रोजगार वाढण्यासाठी ही मदत होणार आहे.
व्याजावर निधी दिल्यास कर्जाचे दर कमी होतील आणि एमएसएमई क्षेत्रात कर्ज घेण्याचे प्रमाण वाढेल अशी माहिती देण्यात आली आहे. पंतप्रधान नरेंद्र मोदी या योजनेची लवकरच घोषणा करतील अशी गुप्त माहिती समोर आली आहे. केंद्रीय अर्थ मंत्रालय या प्रस्तावावर काम करत आहे. एमएसएमई सेक्टरमध्ये ६.३कोटींहून अधिक युनिट्स आहेत,आणि ११.१ कोटी लोकांना या युनिट्समधून रोजगार मिळतो. जीडीपीतही या क्षेत्राचे ३० टक्के योगदान आहे. ४५ टक्के भागीदारी उत्पादन क्षेत्रातही आहे. एमएसएमई युनिट्स समोर कर्जाची सर्वात मोठी समस्या आहे. त्यामुळे उद्योगाला उपयुक्त कर्ज अनुदानाच्या माध्यमातून मिळाल्यास या क्षेत्राला त्याचा मोठा फायदा होऊ शकतो.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
