मुंबई | आगामी लोकसभा निवडणुकीत महाराष्ट्र नवनिर्माण सेनेचे अध्यक्ष राज ठाकरे हे राज्यभरात काँग्रेस आणि राष्ट्रवादी काँग्रेससाठी प्रचार करणार असल्याचे म्हटले जात होते. मिळालेल्या माहितीनुसार आगामी निवडणुकांसाठी राज ठाकरे यांची पहिली सभा नांदेड येथे शुक्रवारी (१२ एप्रिल) होणार आहे. मनसे आगामी लोकसभा निवडणुका लढविणार नसली तरी आपण भाजप विरोध प्रचार करणार असल्याचे राज ठाकरे यांनी यापूर्वी स्पष्ट केले होते.
यंदा नांदेड मतदारसंघात कॉंग्रेस प्रदेशाध्यक्ष अशोक चव्हाण आणि भाजपचे प्रताप पाटील-चिखलीकर यांचा सामना होणार आहे. नांदेडमधील मुंडा मैदान, कृषी मार्केट येथे १२ एप्रिलला संध्याकाळी ५ च्या सुमारास राज ठाकरे यांची सभा पार पडेल अशी माहिती मिळत आहे. नुकत्याच मुंबईत झालेल्या गुढीपाडवा मेळाव्यात राज ठाकरे यांनी विविध पुरावे देत पंतप्रधान मोदींवर आणि मोदी सरकारवर सडकून टीका केली होती. आता नांदेडच्या सभेत राज ठाकरे काय बोलणार याकडे सर्वांचेच लक्ष लागून राहिले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
