मराठी वाचवण्यासाठी साहित्यिक काय करतात: राज ठाकरे

जर आजची वेळ निघून गेली की पश्चाताप करण्याशिवाय पर्याय राहणार नाही. राजकीय भिंतींसह सगळ्या जातीच्या भिंती पाडायला हव्यात. गायकांचे राग वेगळे आणि आमचे राग वेगळे, त्यांचे राग ऐकू वाटतात, पण आमचे राग परवडत नाहीत, असं वक्तव्य राज ठाकरे यांनी केलं आहे. सांगलीत औदुंबर साहित्य संमेलनात राज ठाकरे बोलत होते. ते म्हणाले, दक्षिणेतील तीन भाषांना अभिजात दर्जा मिळाला, पण मराठीला अजून भाषेचा अभिजात दर्जा मिळाला नाही.

कदाचित गुजराती भाषेला हा दर्जा मिळू शकतो, ते पण अर्ज न करता. राज ठाकरे यांनी यावेळी मोदींवर निशाणा साधला आहे. शहरांची स्थिती काय आहे ? तुम्ही बेसावध आहात. मराठी भाषा टिकावी, पण त्या अगोदर, मराठी माणूस अगोदर टिकला पाहिजे. सांगलीत म्हणे सद्भावना रॅली काढली, पण अशा रॅली काढून सद्भावना येत नाही, तुमच्या मनातून सद्भावना यावी लागते. महाराष्ट्रात काय चाललंय हे कवी आणि साहित्य क्षेत्रातील लोकांनी बोलावं