कल्याण पूर्वेत राहणाऱ्या एका महिला माहिती अधिकार कार्यकर्तीला अनधिकृत बांधकाम प्रकरणात एका बांधकाम व्यवसायिकाकडून लाखोंच्या खंडणी प्रकरणात ठाणे खंडणी विरोधी पथकाने सापळा रचून खंडणी स्वीकारतांना रंगेहात अटक केल्याने शहरात एकच खळबळ उडाली आहे. चारुशीला पाटील असे खंडणीखोर महिलेचे नाव आहे.

बांधकाम व्यावसायिक सुरेंद्र पाटील यांच्या बांधकामाची कल्याण डोंबिवली महापालिकेत चारुशीला हिने तक्रार केली होती. तक्रार मागे घेण्यासाठी तिने सुरेंद्र यांच्याकडे ५० लाख रुपयांची मागणी केली होती. मात्र काही दिवसांनी तिने तडजोड करून ५ लाख रुपये देणेतिला निश्चित करण्यात आले होते. यापैकी २ लाख रुपये चारुशीला हीने आधीच घेतल्याचे तक्रारदार यांनी सांगितले. मात्र उर्वरितरक्कमेचा दुसरा हप्ता घेताना ठाणे खंडणी विरोधी पथकाने आज कल्याण पूर्वेतील बाजरपेठेत सापळा रचून खंडणी स्वीकारताना तिला रंगेहाथ अटक केली आहे.

सूत्राने दिलेल्या माहितीनुसार खंडणीखोर चारुशीला पाटील हिने अनधिकृत बांधकामाच्या तक्रारी करून कोट्यवधी रुपयांची मालमत्ताजमा केल्याचे बोलले जात आहे.

दरम्यान ठाणे खंडणी विरोधी पथकाने याप्रकरणी तपासाचे काम सुरु असल्याचे सांगितले असून सांयकाळ पर्यत कोळसेवाडी पोलीस ठाण्यात गुन्हा दाखल केला जाणार असल्याचे सांगण्यात आले.