संबित पात्रांच्या व्हिडीओमुळे मोदी सरकारची उज्ज्वला योजना गोत्यात

नवी दिल्ली | भाजप प्रवक्ते संबित पात्रा यांच्या एका व्हिडीओमुळे मोदी सरकार आणि मोदी सरकारची उज्ज्वला योजना गोत्यात आली आहे. संबित पात्रा यांनी ओडिसातील पुरीमधील एक व्हिडीओ ट्विटवर शेअर केला आहे. या व्हिडीओत संबित पात्रा एका गरीब कुटुंबाच्या घरी जेवत आहेत. मात्र या घरातील महिला चुलीवर जेवण बनवत आहे, हे स्पष्ट दिसत आहे. एकीकडे ग्रामीण भागातील महिलांना होणाऱ्या चुलीच्या त्रासापासून मुक्तता देण्यासाठी उज्ज्वला योजना आणल्याचे मोदी सरकारकडून सांगितले होते. असे असताना इथे भाजपच्याच नेत्यांकडून या योजनेच्या मूळ हेतूला बगल दिली जात असल्याचे चित्र स्पष्ट झाले.

यह मेरा अपना परिवार है, माँ ने खाना बनाकर खिलाया। मैंने अपने हाथों से इन्हें खाना खिलाया और मैं यह मानता हूँ कि इनकी सेवा ही ईश्वर की सबसे बड़ी पूजा है। [2/2]@BJP4India #PhirEkBaarModiSarkar pic.twitter.com/E6ABMFj10w

— Sambit Patra (@sambitswaraj) March 31, 2019

संबित पात्रा यांचा या व्हिडीओनंतर काँग्रेसने मोदी सरकारवर निशाणा साधला आहे. “ज्या धर्मेंद्र प्रधान यांना उज्ज्वला योजनेचे श्रेय दिले जाते ते ओडिशाचे नाहीत का ?”, असे म्हणत काँग्रेस प्रवक्त्या प्रियांका चतुर्वेदी यांनी पेट्रोलियम मंत्री धर्मेंद्र प्रधान यांच्यावर प्रश्नचिन्ह उपस्थित केले आहे.

Isn’t Dharmendra Pradhan ji the man credited for Ujwala Scheme also from Odisha? #EkHiChowikdarChorHai https://t.co/5Oj9OR0012

— Priyanka Chaturvedi🇮🇳 (@priyankac19) March 31, 2019

. @narendramodi की उज्ज्वला योजना की सबसे बुलन्द तस्वीर 👌 https://t.co/mihDao01Xo

— Abhisar Sharma (@abhisar_sharma) March 31, 2019

भाजपच्या प्रत्येक बड्या नेत्याच्या भाषणात उज्ज्वला योजनेचा उल्लेख निश्चित असतो. भाजपने वारंवार आपल्या प्रचारासाठी उज्ज्वला योजनेचा वापर केला. ही योजना ग्रामीण भागातील महिलांसाठी अत्यंत लाभदायक ठरल्याचे मोदी सरकारकडून वारंवार सांगितले जाते. मात्र, संबित पात्रा यांच्या या व्हिडिओनंतर या योजनेच्या यशस्वी होण्याबाबत शंका व्यक्त केली जात आहे. जर ही योजना खरंच यशस्वी ठरली असेल तर अजूनही हे चित्र कसे पाहायला मिळते ?, हा सवाल उपस्थित होत आहे.