अहमदाबाद | आपण लहानपणापासून विद्यार्थ्यी शाळेत हजेरी लावताना येस सर किंवा मॅडम म्हणण्याऐवजी आता ‘जय हिंद’ किंवा ‘जय भारत’ बोलावे लागणार आहे. देशभक्तीचा प्रचार आणि प्रसार करण्यासाठी शिक्षण विभागाने निर्णय जारी करण्यात आला असून या संदर्भात काढण्यात आल्य अधिसूचनेमध्ये ही बाब नमूद करण्यात आली आहे. देशातील भावी पिढीवर देशभक्तीनेच संस्कार रुजावेत म्हणून हा अनोखा उपक्रम राबविला जात आहे.
#Gujarat: According to a notification issued by Directorate of Primary Education & Gujarat Secondary & Higher Secondary Education Board, school students of class 1-12, will have to answer attendance roll calls with ‘Jai Hind' or 'Jai Bharat’ from January 1 to foster patriotism.
— ANI (@ANI) December 31, 2018
प्राथमिक शिक्षण संचालनालय आणि गुजरात माध्यमिक आणि उच्च माध्यमिक शिक्षण मंडळाकडून (GSHSEB) यासंदर्भात अधिसूचना जारी करण्यात आली आहे. या अधिसूचनेत सांगण्यात आले आहे की, इयत्ता पहिली ते इयत्ता बारावीतील विद्यार्थ्यांना ‘जय हिंद’ अथवा ‘जय भारत’ बोलून हजेरी लावावी लागणार आहे. सरकारी शाळा, अनुदानित तसेच विनाअनुदानित शाळांना या अधिसूचनेचे पालन करण्याचे आदेश देण्यात आले आहे. १ जानेवारी २०१९पासून या अधिसूचनेच पालन करण्याचेही निर्देश देण्यात आले आहे.
मुला-मुलींमध्ये लहानपणापासूनच देशभक्ती रुजावी, या उद्देशाने संबंधित निर्णय घेण्यात आल्याचे अधिसूचनेत स्पष्ट करण्यात आले आहे. यासंदर्भात सोमवारी (३१ डिसेंबर) झालेल्या आढावा बैठकीत राज्य शिक्षण मंत्री भूपेंद्र सिंह चुदासमा यांनी हा निर्णय घेतला आहे. जिल्हा शिक्षण अधिकाऱ्यांनाही अधिसूचनेची प्रत पाठवण्यात आल्या आहेत, सोबत १ जानेवारीपासून या आदेशाचे पालन करण्यात यावे, अशी सूचनाही देण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
