नवी दिल्ली | दिल्लीचे मुख्यमंत्री अरविंद केजरीवाल यांना आता शिवसेनेनेही पाठिंबा दिला आहे. केजरीवालांसोबत जे काही होत आहे ते चुकीचे आहे, असे म्हणत शिवसेनेने केजरीवालांचे समर्थन केले आहे. गेल्या काही दिवसांपासून अरविंद केजरीवाल आणि केंद्र सरकार यांच्यातील राजकीय तणाव वाढला असुन “अरविंद केजरीवाल करत असलेले आंदोलन अनोखे आहे. उद्धव ठाकरे यांनी स्वत: केजरीवाल यांच्याशी फोनवर संवाद साधला आहे”, अशी प्रतिक्रिया शिवसेना नेते संजय राऊत यांनी दिली आहे.
राऊत यांनी “केजरीवाल दिल्लीसाठी चांगले काम करत असून त्यांचे सरकार दिल्लीच्या जनतेतून निवडून आलेले आहे. सध्या जे काही होतं आहे ते लोकशाहीसाठी घातक आहे”, असे उद्धव ठाकरे म्हणाल्याचे स्पष्ट केले आहे. शिवसेने बरोबरच ममता बॅनर्जींचा टीएमसी, चंद्राबाबूंचा टीडीपी, एच डी देवेगौडा यांचा जेडीएस, झारखंडमधील ‘झारखंड मुक्ती मोर्चा’, नॅशनल काँन्फरंस तसेच इतर डाव्या पक्षांनीही केजरीवालांचे समर्थन केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
