नवी दिल्ली | “सिद्धू हे काँग्रेसची प्रतिमा मलिन करत आहेत. पक्षाने त्याच्याविरुद्ध कारवाई केली पाहिजे. सिद्धू हे पंजाबचे मुख्यमंत्री होऊ इच्छित आहेत”, असे म्हणत काँग्रेस नेते आणि पंजाबचे मुख्यमंत्री कॅप्टन अमरिंदर सिंग यांनी काँग्रेस नेते नवज्योत सिंग सिद्धू यांच्यावर निशाणा साधला आहे. अमरिंदर सिंग यांनी पतियाळा येथे मतदान केल्यानंतर पत्रकारांशी बोलताना सिद्धू यांच्यावर हे आरोप केले आहेत. दरम्यान, अमरिंदर सिंग यांच्या या विधानामुळे पंजाब काँग्रेसमधील वाद पुन्हा एकदा चव्हाट्यावर आला आहे.
“नवज्योत सिंग सिद्धू यांच्याविरोधात कारवाई करावी की नाही, हे पक्षाच्या हायकमांडने ठरवावे. परंतु, त्यांनी शिस्तभंग केल्यास काँग्रेसने ते सहन करू नये. माझी सिद्धू यांच्याविरुद्ध वैयक्तिक तक्रार नाही. मी त्यांना बालपणापासून ओळखतो. ते महत्त्वाकांक्षी आहेत. नवज्योत सिंग सिद्धू पंजबाचे मुख्यमंत्री बनू इच्छितात”, असेही अमरिंदर सिंग सिद्धू यांनी म्हटले आहे.
नवज्योत सिंह सिद्धू यांच्या पत्नी नवज्योत कौर सिद्धू यांनी शनिवारी (१४ मे) अमरिंदर सिंग यांच्यावर आरोप केला होता. “अमरिंदर सिंग यांच्यामुळे अमृतसर मतदारसंघातून पंजाबच्या प्रभारी आशा कुमारी यांना उमेदवारी मिळाली नाही. परंतु, अमरिंदर सिंग यांनी हे सर्व आरोप फेटाळून लावले आहेत. त्याचप्रमाणे या प्रकरणाशी आपला काहीही संबंध असल्याचे अमरिंदर सिंग यांनी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
