सूरत | सरदार वल्लभभाई पटेल यांच्या १४३ व्या जयंतीनिमित्ताने ऐक्याचे प्रतीक म्हणजे स्टॅच्यू ऑफ युनिटी यांच्या पुतळ्याचे पंतप्रधान नरेंद्र मोदी यांच्या हस्ते अनावरण करण्यात आले. हा पुतळा देशातील सर्वात उंच १८२ असून स्टॅच्यू ऑफ युनिटी हे नर्मदा नदीतील सरोवरामध्ये उभारण्यात आले आहे.
या पुतळ्यावरून देशातील राजकरणात अनेक चर्चा रंगल्या होत्या. परंतु अवघ्या काही दिवसात सर्वसामान्य पर्यटकांमध्ये मात्र स्टॅच्यू ऑफ युनिटी आकर्षणाचे केंद्रबिंदू बनले आहे. केवळ दिवाळीच्या सुट्टीमध्येच सुमारे ७५ हजार पर्यटकांनी स्टॅच्यू ऑफ युनिटीला भेट दिली असून, केवळ येथील तिकीटविक्रीमधूनच सुमारे अडीच कोटी रुपयांची कमाई झाली आहे.
मात्र या पुतळ्याची प्रवेश फी ही जगप्रसिद्ध ताहमहलच्या प्रवेश फीपेक्षा सातपट अधिक महाग असल्याने काही लोकांनी नाराजी व्यक्त केली होती. तरीही येथे भेट देणाऱ्या पर्यटकांचे प्रमाण वाढत आहे. सरदार सरोवर नर्मदा निगम लिमिटेडचे मुख्य अभियंता पी.सी. व्यास यांनी सांगितले की, केवळ गुजरातच नाही तर राजस्थान, मध्य प्रदेश आणि महाराष्ट्रामधूनही येथे पर्यटक येत आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
