नागपूर | विधीमंडळाच्या सुरु असलेल्या पावसाळी अधिवेशना दरम्यान आमदार डॉ. बालाजी किणीकर यांनी उल्हासनगर शहरास पाणीपुरवठा करणार्‍या शहाड येथील एम.आय.डी.से.चे पंपिंग स्टेशन उल्हासनगर महानगरपालिकेस हस्तांतरित करण्याची मागणी गुरुवारी मुख्यमंत्री देवेंद्र फडणवीस यांच्याकडे निवेदना द्वारे केली. पालकमंत्री एकनाथ शिंदे यांच्या नेतृत्वाखाली शिवसेनेच्या शिष्टमंडळाने गुरुवारी मुख्यमंत्री फडणवीस यांची नागपूर येथे विधानभवनातील दालनात भेट घेतली. खा. डॉ. श्रीकांत शिंदे हे ही याप्रसंगी उपस्थित होते.
उल्हासनगर शहरासाठी महाराष्ट्र औद्योगिक विकास महामंडळामार्फत पाणीपुरवठा करण्यात येतो. उल्हासनगर शहराची लोकसंख्या सुमारे ६ लाखांपेक्षा जास्त असून सन १९९४ पासून उल्हासनगर महापालिकेने जवळपास ३०० कोटी रुपये पाण्याच्या बिलापोटी एम.आय.डी.सी. ला अदा केले आहे, असे असताना एम.आय.डी.सी. कडून वारंवार पाणी कपात करणे किंवा विद्युत भारनियमनामुळे पाणी पुरवठा खंडित केला जात असल्याने नागरिकांना अनेक अडचणीना सामोरे जावे लागत आहे. त्यामुळे ही योजना महापालिकेकडे हस्तांतरित करावी यासाठी खा. डॉ. श्रीकांत शिंदे आणि आ. डॉ. बालाजी किणीकर पाठपुरावा करत आहेत. गुरुवारी मुख्यमंत्र्यांची भेट घेऊन त्यांनी पुन्हा ही मागणी केली.
यावेळी उल्हासनगर शिवसेना शहरप्रमुख राजेंद्र चौधरी, उपशहरप्रमुख राजेंद्र शाहू, आदिनाथ कोरडे, विभाग प्रमुख राजेश माने, शिवाजी जावळे, सुरेश सोनवणे, अंकुश म्हस्के, अनिल मराठे,स्वप्नील बागूल, के. डी. तिवारी, जयकुमार केणी, कळवंत सोहाता, सागर उतवाल, अशोक दिवटे, किरण जवरास आदि उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
