मुंबई | राम मंदिर उभारणीसाठी अनेक हिंदू संघटना पुढे सरसावल्या आहेत. यासाठी येणाऱ्या काळात अयोध्येमध्ये विश्व हिंदू परिषदेने धर्मसभा आयोजित केल्या आहे. या धर्मसभेला विरोध करण्यात आला आहे. डिसेंबर १९९२ मध्ये घडलेल्या घटनेसारखी घटना पुन्हा घडू नये. यासाठी हा विरोध होत असल्याचे सांगण्यात येत आहे. तसेच शिवसेना पक्षप्रमुख उध्दव ठाकरे २४ नोव्हेंबरला अयोध्येला जाणार आहे. मात्र उध्दव ठाकरेंना काळे झेंडे दाखवणार असल्याचे व्यापारांनी सांगितले आहे.
व्यापार मंडळाचे अध्यक्ष जनार्दन पाण्डेय म्हणाले की, ‘फैजाबाद किंवा अयोध्येतील शांतता भंग करण्याचा या सगळ्यांचा प्रयत्न आहे. आगामी काळात येथील वातावरण तणावपूर्ण राहील या शक्यतेने दोन्ही शहरांतील लोक चिंतेत आहेत. त्यामुळे हिंदू-मुस्लिम कुटुंबांनी अन्नधान्याचा आतापासूनच साठा करण्यास सुरुवात केली आहे.’
पाच राज्यांतील विधानसभा निवडणुका आणि २०१९च्या लोकसभा निवडणुकीमुळे देशाचे राजकारण तापायला सुरुवात झाली आहे. निवडणुकांच्या पार्श्वभूमीवर राम मंदिराचाही मुद्दा पुन्हा एकदा चर्चेत आला आहे. राम मंदिराच्या प्रश्नावरुन विश्व हिंदू परिषदेच्या हालचाली पाहता येथील वातावरण बिघडण्याची शक्यता वर्तवण्यात येत आहे.
अयोध्येमध्ये हजारोंच्या संख्येने जमा झालेल्या कारसेवकांनी ६ डिसेंबर १९९२ रोजी वादग्रस्त बाबरी मशीद उद्ध्वस्त केली होती. यामुळे बरेच दिवस अयोध्येत तणावपूर्ण परिस्थिती निर्माण झाली होती. या घटनेची पुनरावृत्ती होईल, अशी भीती व्यापाऱ्यांच्या मनात आहे. या पार्श्वभूमीवर अयोध्येतील व्यापाऱ्यांनी हिंदुत्ववादी संघटनांच्या कार्यक्रमावर बहिष्कार घालण्याचा निर्णय घेतला आहे.
Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
