नवी दिल्ली | शबरीमाला येथील आय्यपा मंदिराच्या गाभाऱ्यात अखेर दोन महिलांनी प्रवेश करून दर्शन घेतल्याची घटना विनाशकारी असल्याचे ट्विट भाजपचे माहिती आणि तंत्रज्ञानाचे राष्ट्रीय प्रमुख अमित मालवीय यांनी केले आहे. याआधीही भाजपाच्या केरळमधल्या नेत्यांनी परंपरा मोडण्यास विरोध केला होता. परंतु आज (२ जानेवारी) पहाटे शबरीमाला मंदिरात बिंदू व कनकदुर्गा या पन्नाशीच्या आतल्या महिलांनी पोलिसांच्या बंदोबस्तात प्रवेश केला, आणि शेकडो वर्षांची परंपरा मोडली.
Have the Communists desecrated Sabarimala shrine by facilitating entry of women of restricted age group into the temple? Devastating, if true.
— Amit Malviya (@amitmalviya) January 2, 2019
सर्वोच्च न्यायालयाने महिलांना मंदिरात प्रवेश देण्याचा आदेश दिल्यानंतर प्रचंड विरोधाचा सामना मंदिरात जाऊ इच्छिणाऱ्या महिलांना करावा लागला होता. या दोन महिलांसमवेत काही पोलीस गणवेशात होते, तर काही पोलीस कर्मचारी सिव्हील ड्रेसमध्ये त्या महिलांना सुरक्षा पुरवत होते. तसेच मंदिरात प्रवेश करणाऱ्या सर्व इच्छूक महिलांना केरळ सरकारकडून पोलीस सुरक्षा देण्यात येणार असल्याचे केरळचे मुख्यमंत्री पी. विजयन यांनी म्हटले आहे.
Kerala Chief Minister Pinarayi Vijayan: Today, two women entered #SabarimalaTemple. We had issued standing orders to police to provide all possible protection to any woman who wants to enter the temple. pic.twitter.com/GdfS2BEi6i
— ANI (@ANI) January 2, 2019
भगवान अयप्पांच्या मंदिरात कोणत्याही वयोगटतील महिलांना कोणताही भेदभाव न कराता प्रवेश द्यावा, असा आदेश २८ सप्टेंबरला सर्वोच्च न्यायालयाने दिला आहे. न्यायालयाच्या परवानगीनंर १७ ऑक्टोबरला मंदिराचे दरवाजे उघडण्याचे आदेश दिले होते. या मंदिरात महिलांना प्रवेश देण्याच्या सर्वोच्च न्यायालयाच्या निर्णयाची ऐतिहासिक निर्णयामुळे येथील परिसरात तणावाचे वातावरण निर्माण झाले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
