मुंबई | बॉलिवूडमधील अनेक अभिनेते आणि अभिनेत्री यांनी विविध खेळांच्या टीम विकत घेतल्याचे आपल्याला वारंवार पाहायला मिळत असते. परंतु आता मराठी सिनेसृष्टीतील एका अभिनेत्रीने एखाद्या खेळातील खेळाडूंची टीम विकत घेण्याचा शुभारंभ केला आहे. अभिनेत्री सई ताम्हणकर हिने ‘महाराष्ट्र कुस्ती दंगल’ या कुस्ती लीगमधील ‘कोल्हापुरी मावळे’ ही टीम विकत घेतली आहे. सईचे हे ‘कोल्हापुरी मावळे’ या कुस्ती लीगमध्ये कशी खेळी करणार हे पाहणे प्रेक्षकांसाठी औत्सुक्याचे ठरणार आहे.
मातीतल्या खेळाला आंतरराष्ट्रीय व्यासपीठ मिळावे यासाठी कायमच प्रयत्न
सई ताम्हणकर ही मराठी चित्रपटसृष्टीतील अशी पहिली अभिनेत्री आहे जिने खेळाडूंची टीम विकत घेतली आहे. सई म्हणते की, “ह्या कुस्ती लीगमध्ये असलेल्या टीमच्या मालकांमध्ये सध्या मी एकमेव महिला आहे. टीम मालक असल्याचा मला अभिमान आहे. आपल्या मातीतल्या खेळाला आंतरराष्ट्रीय व्यासपीठ मिळावे, यासाठी माझा कायमच प्रयत्न असेल.”
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
