नवी दिल्ली | भारतीय क्रिकेट संघातील फलंदाज गौतम गंभीर हा येत्या लोकसभा निवडणुकांमध्ये आम आदमी पक्षाला आव्हान देण्यासाठी भाजपाच्या बाजूने खेळण्याची शक्यता वर्तविण्यात येत आहे. गौतम गंभीर लवकरच भाजपात प्रवेश करणार असल्याचे समजते. भाजपाकडून लोकसभा निवडणूक लढवणार असल्याची माहिती मिळत आहे.
गेल्या काही काळापासून गौतम गंभीर भारतीय संघाबाहेर आहे. गंभीर ट्विटरवरून कायमच विविध मुद्द्यांवर आपले मत मांडत असतो. तसेच मोदी सरकारच्या अनेक निर्णयाला गंभीर याने बहुतांश वेळा जाहीरपणे पाठिंबा दिला आहे. आम आदमी पक्षाला शह देण्यासाठी भाजपाचे मोठ्या प्रमाणावर सुरु आहेत.
गंभीर यांची कारकीर्द
गंभीरने ५८ कसोटी, १४७ एकदिवसीय आणि ३७ टी-२० सामन्यांमध्ये भारतीय संघाचे प्रतिनिधित्व केले होते. तर आयपीएलच्या १५४ सामन्यांमध्ये चांगली फलंदाजी करत, कोलकाता नाईट रायडर्सने त्यांच्या नेतृत्वात दोन वेळा आयपीएलचा किताब जिंकला. गंभीर २०१३ रोजी अखेरचा वनडे तर २०१६ रोजी अखेरचा कसोटी सामना खेळला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
