मुंबई । ‘आशिया चषक २०१८’च्या अंतिम फेरीत अतुल्य अशी कामगिरी करत भारतीय क्रिकेट संघाने सातव्यांदा आशिया चषकावर आपले नाव कोरले आहे. कर्णधार रोहित शर्मा याच्या उत्कृष्ट नेतृत्वाखाली अत्यंत दमदार अशी कामगिरी करत भारताने ‘आशिया चषक २०१८’ पटकावले आहे. आणखी एक विशेष म्हणजे रोहित शर्मा हा आशिया चषक पटकावणारा तिसरा मुंबईकर कर्णधार ठरला आहे.
आशिया चषकामध्ये भारताने आपला कट्टर प्रतिस्पर्धी असणाऱ्या पाकिस्तानच्या संघाला दोन वेळा पराभूत केले आहे. या चषकात अफगाणिस्तानसोबतची बरोबरी सोडता भारतीय संघ बाकी एकाही सामन्यात अपयशी ठरलेला नाही.
भारताने १९८४ साली सर्वप्रथम आशिया चषक पटकावला होता. त्यावेळी सुनील गावस्कर हे भारतीय क्रिकेट संघाचे कर्णधार होते. १९८४ साली आशिया चषकाचे जेतेपद पटकावले होते, तर श्रीलंकेने उपविजेतेपद पटकावले होते. त्यानंतर दुसऱ्या वेळेस कर्णधार दिलीप वेंगसरकर यांनी भारताला आशिया चषकाचे जेतेपद पटकावून दिले होते.आतापर्यंत भारतीय संघाने दमदार कामगिरी करत सात वेळा आशिया चषकावर आपले नाव कोरले आहे. सुनील गावस्कर आणि दिलीप वेंगसरकर हे दोघेही भारतीय क्रिकेट संघाचे मुंबईकर कर्णधार.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
गुवाहाटी : दिल्लीपासून ते गल्लीपर्यंत काल झालेले स्वातंत्र्यदिनाचे दिमाखदार कार्यक्रम आपण पाहिले. मात्र आसाममधील लहानशा शाळेसारखा सोहळा काल कुठेही झाला नसेल. पूरपरिस्थितीने वेढलेल्या आसाममध्ये चक्क गुडघाभर पाण्यात उभे राहून शिक्षक आणि विद्यार्थ्यांनी ध्वजारोहण आणि ध्वजवंदन केले. जलप्रलयातही अबाधित राहिलेले हे देशप्रेम सध्या सोशल मिडियावर कौतुकाचा विषय ठरत आहे.