मुंबई : तेलंगना क्रिकेट असोसिएशनने मुंबई उच्च न्यायालयात याचिका दाखल करत आम्हाला बीसीसीआयने सदस्यत्व द्यावे अशी मागणी केली आहे. यासंदर्भात पत्रकार परिषद आयोजित करुन असोसिएशनच्या पदाधिका-यांनी माहिती दिली आहे. यासंदर्भातील निर्णय बीसीसीआयकडे गेल्या दोन वर्षांपासून प्रलंबित असल्याची माहिती देखील यावेळी पत्रकारांशी बोलताना तेलंगना क्रिकेट असोसिएशन कडून देण्यात आली आहे. आंध्रप्रदेश मधून 2014 साली तेलंगनाची निर्मिती झाली. त्यानंतर तेलंगना वेगळे राज्य म्हणून अस्तित्वात आले. तेलंगनातील 30 जिल्ह्यात विविध वयोगटातील जवळपास 12 हजार मुले- मुली क्रिकेट खेळ खेळतात. अशी माहिती तेलंगना क्रिकेट असोसिएशन चे महासचिव धरम रेड्डी यांनी दिली.
रेड्डी पुढे म्हणाले की, हैद्राबाद क्रिकेट असोसिएशन फक्त हैद्राबाद शहरात राहणा-या क्रिकेटर्स करीता आहे. तीन वर्षा पूर्वीच टीसीए ने बीसीसीआयला कळविले होते की, तेलंगना राज्यातील प्रत्येक जिल्ह्यातील क्रिकेट खेळाडूना राष्ट्रीयस्तरावर आपले कसब दाखविण्याची संधी द्यावी. टीसीएने आंतरराष्ट्रीय स्तरावरील खेळाडू सैय्यद आबिदअली यांच्या सहित समकक्ष खेळाडूना प्रशिक्षक म्हणून नवयुवक आणि युवतीना प्रशिक्षण दिलेले आहे.
तेलंगना सरकारने एल. बी. स्टेडियम आणि अन्य खेळांची मैदाने क्रिकेट खेळण्यास उपलब्ध करुन दिलेली आहेत. मागील तीन वर्षा पासून बीसीसीआयच्या नियमानुसार 14 हजार सामने खेळविण्यात आलेले आहेत. 29 लीग सामनेही खेळविण्यात आलेले आहेत. या पत्रकार परिषदेत टीसीएचे उपाध्यक्ष हरिनाथ रेड्डी, सहसचिव श्रीनिवास घारगे उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
