लंडन | भारत आणि इंग्लंडमध्ये सध्या कसोटी सामने सुरू आहेत. या दौऱ्यावर भारतीय क्रिकेट टीमने मंगळवारी (७ ऑगस्ट) लंडनमधील भारतीय दुतावासाला भेट दिली. यावेळी पूर्ण टीमचा फोटो काढण्यात आला. हा फोटो बीसीसीआयने त्यांच्या अधिकृत ट्विटर अकाऊंटवर पोस्ट केला. बीसीसीआयच्या हा फोटो पोस्ट केल्यानंतर ट्विटरवर नाराजी व्यक्त केली.
बीसीसीआयने पोस्ट केलेला फोटोमध्ये भारतीय क्रिकेट टीमचा कर्णधार विराट कोहलीसोबत त्यांची पत्नी आणि अभिनेत्री अनुष्का शर्मा पहिल्या रांगेत दिसत आहे. कारण कर्णधाराबोसत टीमचा उपकर्णधार अजिंक्य रहाणे उभा असायला हवा होता. परंतु अजिंक्य राहणे हा मागच्या रांगेत उभा आहे. या फोटोत भारतीय क्रिकेट टीममधील एकाही क्रिकेटरची पत्नी येथे उपस्थित नव्हत्या. त्यामुळे या फोटोवर नेटकरी नाराज असल्याचे चित्र दिसत आहे.
#TeamIndia members at the High Commission of India in London. pic.twitter.com/tUhaGkSQfe
— BCCI (@BCCI) August 7, 2018
बीसीसीआयच्या नियमानुसार भारतीय क्रिकेट टीम एखाद्या दौऱ्यावर गेली तर पहिल्या दोन आठवड्यात खेळाडूंच्या पत्नी आणि गर्लफ्रेन्ड त्यांच्यासोबत जाऊ शकत नाहीत. आणि दोन आठवड्यानंतर केवळ १४ दिवसांसाठीच त्यांच्या पत्नी क्रिकेटरांसोबत राहू शकतात. असा नियम जारी करण्यात आला होता. परंतु अनेक क्रिकेटरांच्या पत्नी सध्या लंडनमध्येच आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
