मुंबई | क्रिकेटपटू अजित वाडेकर यांचे निधन झाले. वयाच्या ७७ व्या वर्षी त्यांनी अखेरचा श्वास घेतला. मुंबईच्या जसलोक रुग्णालयात वाडेकर यांचे निधन झाले. त्यांच्या निधनाने क्रिकेट विश्वातील मोठा तारा निखळल्याची भावना व्यक्त होत आहे. परदेशी भूमीवर भारताला विजयाची सवय लावून देणारा कर्णधार अशी वाडेकर यांची वेगळी ओळख होती.
वाडेकर यांच्या नेतृत्त्वाखाली भारताने परदेशात पहिली कसोटी मालिका जिंकली होती. 1971 मध्ये वाडेकरांच्या नेतृत्त्वाखाली भारतीय संघाने वेस्ट इंडिज आणि इंग्लंड या बलाढ्य संघांचा त्यांच्याच मायदेशात पराभव केला. १९५८ पासून प्रथम श्रेणी क्रिकेट खेळण्यास सुरुवात करणाऱ्या वाडेकरांनी १९६६ मध्ये आंतरराष्ट्रीय क्रिकेटमध्ये पदार्पण केले. १९६६ ते १९७४ या कालावधीत वाडेकर भारतीय संघाकडून खेळले. आंतरराष्ट्रीय स्तरावर ते एकूण ३७ कसोटी सामने खेळले. यामध्ये त्यांनी एक शतक आणि चौदा अर्धशतके झळकवली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
