हरियाणा | अर्जुन पुरस्कार विजेते आंतरराष्ट्रीय बॉक्सर दिनेश कुमार यांच्यावर आता आपल्या उदरनिर्वाहासाठी त्याचप्रमाणे कर्जाची परतफेड करण्यासाठी आईस्क्रीम विकण्याची वेळ आली आहे. दिनेश कुमार यांनी देशाला एकूण १७ सुवर्ण, १ रौप्य आणि ५ कांस्य पदक जिंकून दिली आहेत. आज मात्र त्यांना सरकारच्या मदतीची वाट पाहावी लागत आहे.
https://twitter.com/ANI/status/1056582298257317888
“मी आंतरराष्ट्रीय स्पर्धांमध्ये खेळावे यासाठी माझ्या वडिलांनी कर्ज काढले होते. त्या कर्जाची परतफेड करण्यासाठी मी त्यांच्यासोबत आईस्क्रीम विक्रीचे काम करतो. आत्ताच्या आणि पूर्वीच्या अशा दोन्हीपैकी कोणत्याही सरकारने मला मदत केली नाही. मी सरकारला मदत आणि मला स्थिर नोकरी देण्याची विनंती करतो”, असे दिनेश कुमार यांनी म्हटले आहे.
काही वर्षांपूर्वी एका अपघातामुळे दिनेशच्या उपचारांसाठी त्याचप्रमाणे त्यांच्या सरावासाठीदेखील त्यांच्या वडिलांनी कर्ज घेतले होते. या अपघातामुळे दिनेश बॉक्सिंग खेळू शकत नाही. दिनेशने सरकारकडे मदतीची मागणी केली होती. मात्र, विद्यमान आणि पूर्वीच्या अशा दोन्हीही सरकारकडून त्याला कोणतीही मदत देण्यात आली नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
