लंडन । महिलांच्या हॉकी वर्ल्डकपला आज, शनिवारपासून सुरुवात होते आहे. या स्पर्धेत नेहमीप्रमाणे नेदरलँड्स, अर्जेंटिना, ऑस्ट्रेलिया या संघांनाच जेतेपदासाठी फेव्हरिट मानले जात आहे. विश्वचषक महिला हॉकी स्पर्धेत तब्बल ५ वर्षांच्या मोठ्या अवधीनंतर पुन्हा एकदा या स्पर्धेसाठी पात्र ठरलेल्या राणी रामपालच्या भारतीय महिला हॉकी संघाची खरी कसोटी लागणार आहे. २०१० साली झालेल्या स्पर्धेत शेवटी खेळला होता. त्या संघातील राणी रामपाल आणि सविता या दोघींचा अपवाद वगळता. यंदाच्या स्पर्धेत सहभागी झालेल्या भारतीय संघातील इतर सर्वच खेळाडूंची ही पहिलीच मोठी स्पर्धा आहे.
सध्या जागतिक क्रमवारीत १० व्या क्रमांकावर असलेल्या भारतीय संघाला या स्पर्धेत उपांत्यपूर्व फेरीत प्रवेश करण्यासाठी आपला सर्वोत्तम खेळ करावा लागेल. भारतीय संघ स्पर्धेच्या उपांत्यपूर्व फेरीत जरी पोहचला तरी ती भारतासाठी मोठी कामगिरी ठरू शकते. भारताची या स्पर्धेतील सर्वोत्तम कामगिरी १९७४ च्या स्पर्धेत झाली होती. त्यावेळी भारताने चौथा क्रमांक मिळवला होता. पण त्यानंतर मात्र आतापर्यंत भारताची मजल त्याच्या पुढे कधीच गेली नाही.
२०१० च्या शेवटच्या स्पर्धेत भारतीय संघ ९ व्या क्रमांकावर होता. नुकत्याच झालेल्या राष्ट्रकुल क्रीडा स्पर्धेत भारतीय संघाने चौथा क्रमांक मिळवला होता. त्यांनी सुवर्णपदक विजेत्या ऑस्ट्रेलियन संघाला चांगली झुंज दिली होती. बलाढ्य इंग्लंड संघाला गटातील लढतीत भारताने नमवले होते. पण कास्यपदकाच्या लढतीत मात्र इंग्लंडकडून भारतीय संघ पराभूत झाला होता. आगामी आशियाई क्रीडा स्पर्धेच्या सरावाच्या दृष्टीने भारतीय संघासाठी ती स्पर्धा फायदेशीर ठरेल. या स्पर्धेसाठी भारतीय संघाने चांगली तयारी केली असून, स्पर्धेच्या बाद फेरीत प्रवेश करण्यासाठी आम्ही जोरदार प्रयत्न करू असे कर्णधार राणी रामपालने सांगितले. या स्पर्धेवर ऑस्ट्रेलिया जर्मनी आणि हाँलंड या ३ संघाचे वर्चस्व राहिले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
