सेंट पीटर्सबर्ग | फिफा विश्वचषक फुटबॉल स्पर्धेत फ्रान्स आणि बेल्जियम या दोन संघात पहिला उपांत्य फेरीचा सामना होणार आहे. या लढतीत बलाढ्य फ्रान्स संघाला पराभूत करून बेल्जियम संघ प्रथमच या स्पर्धेची अंतिम फेरी गाठणार का? याबाबत दोन्ही संघाच्या चाहत्यांमध्ये कमालीची उत्सुकता दिसत आहे.
फिफा विश्वचषकाच्या उपउपांत्यपूर्व फेरीतला पहिला मुकाबला आज रात्री साडेअकरा वाजता खेळण्यात येणार आहे. या सामन्यात ह्यूगो लॉरिसच्या बलाढ्य फ्रान्सची गाठ एडन हॅझार्डच्या बेल्जियमशी पडणार आहे. फ्रान्स आणि बेल्जियम हे या विश्वचषकातले तुल्यबळ संघ असून या दोन्ही संघांना यंदा विश्वचषकामध्ये फुटबॉल चाहत्यांच्या पसंतीस उतरले आहेत.
त्यामुळे हा सामना जिंकून फायनलमध्ये कोण धडक मारणार, याविषयी फुटबॉलरसिकांमध्ये उत्सुकता आहे. विश्वचषकाच्या उपांत्यपूर्व फेरीत फ्रान्सनं उरुग्वेचा तर बेल्जियमनं ब्राझिलचा पराभव करत उपांत्य फेरत धडक मारली होती. त्यामुळे आता हे दोन्ही तुल्यबळ संघ अंतिम फेरीच्या तिकीटासाठी एकमेकांसमोर उभे ठाकणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
