मुंबई | कोरोनाच्या संकट काळात राज्यातील स्थिती एकीकडे आणि आईची तब्येत या सर्व बाबी अगदी नीट सांभाळणारे राज्याचे आरोग्यमंत्री राजेश टोपे यांच्या आई शारदा टोपे (७४) यांचे काल (१ ऑगस्ट) निधन झाले. गेल्या काही महिन्यांपासून प्रदीर्घ आजाराने त्या त्रस्त होत्या. त्यांच्यावर मुंबईतील बॉम्बे रुग्णालयात उपचार सुरु होते.
“ती अजातशत्रु होती. एका शब्दानेही तिने कुणाला दुखावलं नाही. सर्वांना प्रेम दिले. माझ्या वडिलांच्या सोबत ती सावली सारखी राहिली. चार वर्षांपूर्वी वडिल गेल्यानंतर ती आधार होती. दोन दिवसांपूर्वी तिने माझ्या पाठीवर दोन्ही हात ठेवत मला आर्शिवाद दिले. तो आशिर्वाद आता कायम माझ्या पाठीशी राहील,” अशी भावना आरोग्यमंत्री राजेश टोपे यांनी व्यक्त केली.
राजेश टोपे यांच्या आईंवर गेल्या महिनाभरापासून बॉम्बे हॉस्पीटलमध्ये उपचार सुरु होते. मार्चमध्येही त्या महिनाभर ॲडमीट होत्या. बरे झाल्यानंतर त्या दोन महिने घरीच होत्या. मात्र पुन्हा त्यांची प्रकृती बिघडल्याने त्यांना रुग्णालयात दाखल करण्यात आले होते. कोरोनामुळे जिल्ह्यांचे आढावा दौरे, सततच्या बैठका यात वेळात वेळ काढून आरोग्यमंत्री टोपे आईला भेटायला रुग्णालयात जायचे. रोज सकाळी आईला भेटून दिवसाची सुरुवात ते करायचे.
ती अजातशत्रु होती.एका शब्दानेही तिने कुणाला दुखावलं नाही.सर्वांना प्रेम दिले. माझ्या वडिलांच्या सोबत ती सावली सारखी राहिली. ४ वर्षांपूर्वी वडिल गेल्यानंतर ती आधार होती.दोन दिवसांपूर्वी तिने माझ्या पाठीवर दोन्ही हात ठेवत मला आर्शिवाद दिले. तो आशिर्वाद आता कायम माझ्या पाठीशी राहील. pic.twitter.com/wyfYVJXnzX
— Rajesh Tope (@rajeshtope11) August 1, 2020
राजेश टोपे यांच्या आईच्या स्मृतीस अनेक नेत्यांनी श्रद्धांजली वाहिली आहे. मुख्यमंत्री उद्धव ठाकरे यांनीही श्रद्धांजली वाहिली.
आरोग्यमंत्री @rajeshtope11 जी यांच्या मातोश्री शारदाताई यांच्या निधनाची बातमी ऐकून दुःख झाले. काही महिन्यांपासून त्या रुग्णालयात असताना देखील राजेश टोपे जी यांनी कोरोनाविरुद्ध लढून महाराष्ट्राची काळजी घेतली. शारदाताई टोपे यांच्या आत्म्यास चिरशांती लाभो हिच ईश्वरचरणी प्रार्थना🙏🏼
— Office of Uddhav Thackeray (@OfficeofUT) August 1, 2020
उपमुख्यमंत्री अजित पवार
राज्याचे आरोग्यमंत्री व राज्य मंत्रिमंडळातील माझे सहकारी @rajeshtope11 यांच्या मातोश्री शारदाताई अंकुशराव टोपे यांचं निधन हा आमच्यासाठी मोठा धक्का आहे. आदरणीय शारदाताईंना भावपूर्ण श्रद्धांजली!त्यांच्या आत्म्यास शांती लाभो ही प्रार्थना!आम्ही टोपे कुटुंबियांच्या दुःखात सहभागी आहोत. pic.twitter.com/krCj1jTkxE
— Ajit Pawar (@AjitPawarSpeaks) August 1, 2020
यशोमती ठाकूर,
भावपूर्ण श्रद्धांजली. या कठीण प्रसंगात आम्ही सर्व आपल्या सोबत आहोत… https://t.co/AN08HfLfKi
— Adv. Yashomati Thakur (@AdvYashomatiINC) August 2, 2020
सुप्रिया सुळे
राज्याचे आरोग्यमंत्री @rajeshtope11 यांच्या आई शारदाताई अंकुशराव टोपे यांची आजाराशी सुरु असलेली झुंज अखेर संपली. माजी खासदार अंकुशराव टोपे यांच्याशी विवाहबद्ध झाल्यानंतर त्यांच्या पाठीशी त्या खंबीरपणे उभ्या राहिल्या. pic.twitter.com/ZXS76Lc9jI
— Supriya Sule (@supriya_sule) August 1, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
