मुंबई : महाराष्ट्र प्रदेश काँग्रेस कमिटीचे अध्यक्ष खासदार अशोक चव्हाण उद्या २ मे रोजी नाणारला भेट देऊन स्थानिकांशी संवाद साधणार आहेत. यावेळी अखिल भारतीय काँग्रेस कमिटीचे सरचिटणीस व महाराष्ट्राचे प्रभारी मोहन प्रकाश, विधानसभेचे विरोधी पक्ष नेते राधाकृष्ण विखे पाटील, खासदार हुसेन दलवाई, आमदार भाई जगताप, आमदार हुस्नबानो यांच्यासह काँग्रेस पदाधिकारी त्यांच्या सोबत असतील.
नाणार रिफायनरी विरोधी कृती समितीच्या शिष्टमंडळाने खासदार अशोक चव्हाण यांच्यासह काँग्रेस अध्यक्ष खासदार राहुल गांधी यांची भेट घेऊन चर्चा केली होती. त्यावेळी काँग्रेस अध्यक्षांनी खासदार अशोक चव्हाण यांना नाणारला जाण्याची सूचना केली होती. त्यांच्या सुचनेनुसार काँग्रेस प्रदेशाध्यक्ष खासदार अशोक चव्हाण २ मे रोजी नाणारला जाणार आहेत. बुधवारी सकाळी ११.३० वाजता खासदार अशोक चव्हाण कात्रादेवी सागवे तालुका राजापूर येथे स्थानिकांशी संवाद साधणार आहेत व त्यानंतर जाहीर सभेला संबोधीत करणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
