मुंबई | थरावर थर लावणारे गोविंदा बघितले की बघणाऱ्यांच्या काळजाचा ठोका चुकतो. पण हे थर लावणारे गोविंदा जर दृष्टीहिन असतील तर? होय.. आणि हे करून दायखवलंय ताडदेव येथील व्हिक्टोरिया मेमोरियल स्कूल फॉर ब्लाइंट या शाळेच्या दृष्टीहिन विद्यार्थ्यांनी दहीहंडी फोडून जगासमोर वेगळा आदर्श ठेवला आहे.

निसर्गाने लादलेल्या अंधत्वावर मात करत आपल्या विशेष कौशल्याने थरावर थर रचत या मुलांना ज्या उत्साहाने दहीहंडी फोडली हे अत्यंत कौतुकास्पद आहे. २००१ पासून गेली १८ वर्ष व्हिक्टोरिया मेमोरियल स्कूल फॉर ब्लाइंट या शाळे मार्फत दहीहंडी उत्सव साजरा केला जातो. या मुलांना जग पाहता येत नाही. स्पर्शातून जग पाहण्याचा ही मुलं प्रयत्न करत असतात. त्यांना सामान्य व्यक्ती जे करतो ते करण्याची संधी मिळत नाही.

त्यामुळे व्हिक्टोरिया मेमोरियल स्कूल तर्फे दरवर्षी आम्ही दहीहंडी उत्सवाचे आमच्या शाळेत आयोजन करतो. त्यांना आनंद मिळावा वेगळं काही तरी करता यावं यासाठी आमचा हा प्रयत्न असतो. त्याच प्रमाणे ही मुलं गेल्या आठवड्या भरापासून त्यांच्या पिटीच्या शिक्षकांन सोबत दहीहंडीची तयारी करत आहेत. असे प्रशासकीय लिजी सॉबी यांनी एच डब्लू मराठी ला सांगितले.