लातूर | मेट्रो आणि लोकल डबेनिर्मितीचा कारखाना उभारण्यास रेल्वेमंत्री पीयूष गोयल यांनी या प्रस्तावला मंजूरी दिली आहे. अर्थसंकल्प सादर होण्याच्या पार्श्वभूमीवर केंद्र सरकारने हा निर्णय घेतला आहे. मुख्यमंत्री देवेंद्र फडणवीस आणि रेल्वे मंत्री गोयल यांच्या बैठकीत हा निर्णय घेण्यात आला असून या कारखान्यामुळे मराठवाड्यातील तरुणांना रोजगाराच्या संधी उपलब्ध होणार आहेत.
लातूर व उस्मानाबाद जिल्हे दुष्काळग्रस्त भाग म्हणून ओळखले जातात. तसेच पाण्या आभावी येथील शेतीचे उत्पन्न ही मोजकेच येते. त्यामुळे कृषीकडून उद्योगांकडे वाटचाल करण्याच्या दृष्टीने सरकारने उचलले हे महत्त्वाचे पाऊल आहे.
वर्षभरात साडेतीशे ते चारशे डब्यांची निर्मिती होऊ शकते. लोकल डब्यांची निर्मिती मेक इन इंडिया अंतर्गत होणार आहे. ‘लातूरला रेल्वे डब्यांच्या निर्मितीचा प्रकल्प मंजूर केल्यामुळे मराठवाड्यातील तरुणांना आर्थिक तसेच रोजगाराच्या दृष्टीने चालना मिळू शकते अशा शब्दात मुख्यमंत्री देवेंद्र फडणवीस यांनी ट्विटर अकाउंटवरुन रेल्वे मंत्र्यांचे आभार व्यक्त केले आहे. ’
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
