नवी मुंबई : अमली पदार्थ विक्रीचे जाळे खणून काढण्यासाठी पोलीस अहोरात्र प्रयत्नशील आहेत. मात्र गांजविक्रीचे अड्डे बंद होऊनही अजून गांजातस्करी पूर्णपणे रोखण्यात पोलिसांना यश आलेले नाही. याचे प्रमुख कारण म्हणजे गांजाची ‘फ्री होम डिलिव्हर’.
पोलिसांचा ससेमिरा चुकविण्यासाठी गांजा तस्कर सध्या ऑन फोन आले आहेत. त्यामुळे अड्ड्यांवर जाऊन गांजा घेण्याऐवजी फोनवरूनच त्याची ऑर्डर दिली जाते. आणि काही क्षणांतच गांजा घरपोच केला जातो. त्यामुळे शहरातील गांजा तस्करी रोखण्यात पोलिसांना अद्याप पूर्ण यश आलेले नाही.
सारसोळे सेक्टर ६ मधील जय दुर्गामाता भाजी मंडईमध्ये दोन दिवसांपूर्वी काही तरूण गांजा ओढत बसले होते. पालिसांनी सगळीकडचे अड्डे बंद केले, तरीही घरपोच मिळत असल्याचे त्यांनी सांगितले. मात्र पोलिसांच्या कारवाईमुळे गांजाचे दर वाढले असल्याचीही चर्चा तरूणांमध्ये होती.
शहरामध्ये यापूर्वी एपीएमसी परिसरामध्ये गांजा विक्री करणारा पप्या व तुंडा एमआयडीसीत फोनवरून आॅर्डर घेवून गांजा विक्री करत आहे. तुर्भे स्टेशनसमोर एक अड्डा अद्याप सुरू असून हनुमान नगरमध्ये बंद झालेला अड्डा पुन्हा सुरू झाला आहे, यावर कारवाईची मागणी करण्यात येत आहे. नवी मुंबईसारखीच स्थिती राज्यातील अन्य महानगरांतही आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
