नवी दिल्ली: काश्मीरमध्ये दहशतवादी कारवाया करणा-या संघटनांना आर्थिक रसद पुरवल्याप्रकरणी ७ फुटीरवादी नेत्यांना राष्ट्रीय तपास संस्थेने (एआयए) अटक केली आहे. फारूक अहमद दार उर्फे बिट्टा कराटे, नईम खान, शाहीद-उल-इस्लाम, अल्ताफ फंटूस, मेहराजुद्दीन, अयाज अकबर आणि पीर सैफुल्ला अशी अटक केलेल्या फुटीरवाद्यांची नावे आहेत. बिट्टा कराटेला दिल्लीतून तर उर्वरित सर्वांना श्रीनगरमधून अटक करण्यात आली. चौकशीसाठी सर्वांना दिल्लीला नेण्यात येणार आहे.
एका वृत्त वाहिनीवर दाखवण्यात आलेल्या स्टिंग आॅपरेशनमध्ये हुरियत नेता नईम खान यांनी हवालाच्या माध्यमातून पाकिस्तानातील दहशतवादी संघटनांना आर्थिक पुरवठा केला जात असल्याचे महटले होते. या खुलाशानंतर एनआयएने या प्रकरणाचा तपास करण्यास सुरूवात केली होती. मे महिन्यात एनआयएने या प्रकरणी अनेक फुटीरतावादी नेत्यांची चौकशी केली होती. एनआयएच्या एका पथकाने तहरीक-ए-हुरियतचा फारूक अहमद दार उर्फ बिट्टा कराटे आणि जावेद अहमद बाबा उर्फ गाझीची सलग ४ दिवस चौकशी केली होती. त्यानंतर या दोघांच्या बँक खात्यांच्या माहितीसह आणि मालमत्तेच्या कागदपत्रांसह दिल्लीला बोलावले होते.
एनआयएला मिळालेल्या माहितीनुसार, काश्मीरमध्ये अशांतता पसरवण्यासाठी खोºयातील शाळा आणि इतर सरकारी मालमत्तेचे नुकसान करण्याचा कट रचला होता, अशी माहिती एनआयएला मिळाला होती. गतवर्षी ८ जुलै रोजी सुरक्षा दलाबरोबर झालेल्या गोळीबारात हिजबुलचा कमांडर बुरहान वानी ठार झाला होता. त्यानंतर उसळलेल्या हिंसाचारात काश्मीर खोºयातील अनेक शाळांचे मोठे नुकसान झाले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
