मुंबई | भीमा कोरेगाव हिंसाचार आणि अर्बन नक्सलचा संबंध असल्याच्या आरोप प्रकरणावरून आनंद तेलतुंबडे यांची याचिका मुंबई उच्च न्यायालयाने फेटाळली असून या प्रकरणी सर्वोच्च न्यायालयात दाद मागण्यासाठी त्यांना तीन आठवड्यांची मुदत देण्यात आली आहे. आनंद तेलतुंबडे यांनी भीमा कोरेगाव प्रकरणी त्यांच्यावरील एफआयआर रद्द करण्याची मागणी याचिका मुंबई उच्च न्यायालयात दाखल करण्यात आली होती.
Bombay High Court has dismissed activist Anand Teltumbde's plea seeking quashing of FIR against him in Bhima Koregaon case. High Court though extended his protection from arrest for three more weeks
— ANI (@ANI) December 21, 2018
पुणे पोलिसांनी आनंद तेलतुंबडे यांच्यावर नक्षलवादी संघटनेशी संबंध असल्याप्रकरणी कारवाई करण्यात आली होती. परंतु ‘मी कोणत्याही बेकायदा कार्यवाहीत सहभागी झालेलो नाही. तसेच मी कोरेगाव-भीमा येथे झालेल्या हिंसाचाराशी माझा काहीही संबंध नाही’, असा दावा करत त्यांनी केला होता.
मुंबई उच्च न्यायालयात आनंद तेलतुंबडे यांच्या याचिकेवर शुक्रवारी (२१ डिसेंबर) सुनावणी झाली. न्यायालयाने तेलतुंबडे यांची याचिका फेटाळून लावली असून त्यांना सर्वोच्च न्यायालयात तीन आठवड्यात दाद मागण्याची मुदत देण्यात आली आहे. नक्षलवाद्यांशी संबंध असल्याच्या आरोपाखाली प्रा. वरवरा राव, सुधा भारद्वाज, अरुण परेरा, वर्नन गोन्साल्विस आणि गौतम नवलखा यांना पुणे पोलिसांनी अटक केली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
