महाड | रायगड लोकसभा मतदार संघामध्ये शिवसेनेच्या पदाधिकारी आणि कार्यकर्त्यांचा आज महाड येथे मेळावा झाला. शिवसेना पक्षप्रमुख उद्धव ठाकरे यांनी यावेळी पुन्हा शिवसेना स्वतंत्र आणि स्वतःच्या हिंमतीवर लढणार असल्याचे म्हटले आहे. “मावळे समोर आहेत लढण्याची सुरुवात झाली आहे. देशाचं राजकारण आणि वातावरण चांगले नाही. या विटा तुमच्या सिंहासनापर्यंत पोहोचण्यासाठीच्या पायऱ्या आहेत त्या राम मंदिरासाठी नव्हत्या,” असा तीव्र आरोपही उद्धव ठाकरे यांनी केला आहे.
पुढच्या वर्षी २०१९ मध्ये निवडणूक येत आहेत पण आम्हाला लोकांचे काय होणार, देशाचे काय होणार याची चिंता असल्याचेही उद्धव ठाकरे यांनी सांगितले आहे. लोक शिवसेनाप्रमुखांशी राजकारण खेळताना मी स्वतः जवळून पाहिले आहे. हा पक्ष पुढे कसा न्यायचा हे शिवसेनाप्रमुखांनी मला शिकवले आहे. एकदा भाजपाने सांगावे की, राम मंदिर जुमला होता, मग २८० वरून २ पर्यंत आल्याशिवाय तुम्ही राहणार नाही, असेही ठाकरे म्हणाले आहेत.
सर्वसामान्य लोकांना विचारा कि, मोदींच्या योजनेचा तुम्हला काय फायदा झाला ? आम्हाला लोकांंना फसविणारी लोक नकोत. शिवसैनिकांचे प्रेम ही माझ्यासाठी खूप मोठा दागिना आहे. यामुळे कोणत्याही परिस्थितीत महाराष्ट्राचा मुख्यमंत्री शिवसेनेचा झाला पाहीजे, असे आवाहन उद्धव ठाकरे यांनी कार्यकर्त्यांना केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
