मुंबई | “माझा समस्त भावांनो आणि भगिणींनो”, आजपासून डबिंगची सुरुवात केली आहे…!!! अशा कॅप्शनसह डबिंगचा फोटो अभिनेता नवाजुद्दीन सिद्दिकी यांनी काल (४ ऑक्टोबर) ट्विटरवर शेअर केला आहे. गेल्या अनेक महिन्यापासून चर्चेत असलेल्या ठाकरे चित्रपटाच्या डबिंगला सुरुवात झाली आहे. बाळासाहेब ठाकरेंच्या जीवनावर आधारित हा सिनेमा आहे. या सिनेमात नवाजुद्दीन बाळासाहेबांची भूमिका साकारणार आहे. परंतु हिंदी भाषिक व्यक्ती बाळासाहेबांची भूमिकेला न्याय देईल का? अशा शंका अनेकांच्या मनात येत होत्या. या शंकाचे निरसन करताना नवाजुद्दीन म्हणाला की, बाळासाहेबच मला मराठी बोलण्याची प्रेरणा व आशीर्वाद देतील, अशा शब्दात टीका करणाऱ्यांना उत्तर दिले.
माझा समस्त भावांनो आणि भगिणींनो, आज पासून डबिंग ची सुरुवात केली आहे…!!!
Here we start with the dubbing of #Thackeray pic.twitter.com/EVEuGHv3Kw— Nawazuddin Siddiqui (@Nawazuddin_S) October 4, 2018
नवाजुद्दीन मराठी ट्विट केल्याने कळते की, त्यांनी बाळासाहेबांची भूमिका साकारण्यासाठी प्रचंड मेहनत घेत आहेत. या सिनेमासाठी अगदी मराठी भाषा शिकण्यापासून तर त्याचे योग्य उच्चार शिकणे, बाळासाहेबांची देहबोली आत्मसात करण्यापर्यंतची तयारी नवाजुद्दीनने केली आहे. सोशल मीडियावर अनेर राजकीय नेते आणि अभिनेते नेहमीच ट्रोल होतात. परंतु नवाजुद्दींने मराठीत ट्विट केल्यानंतर त्यांना ट्रोल केले नाही तर त्यांच्या चाहत्यांनी त्यांच्यावर कौतुकाचा वर्षाव केले. गेल्यावर्षी डिसेंबरमध्ये शिवसेना पक्षप्रमुख उद्धव ठाकरे आणि अभिनेते अमिताभ बच्चन यांच्या उपस्थितीत या चित्रपटाचा टीजर प्रदर्शित झाला होता. या सिनेमाच्या प्रदर्शनाची प्रतीक्षेते असून हा सिनेमा २३ जानेवारी २०१९ बाळासाहेबांच्या जयंती दिनी प्रदर्शित होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
