बीड | राज्यात मराठा आरक्षणाचा मुद्दा पेटल्यानंतर जातीचे राजकारण करु पहाणा-या अनेकांनी विद्यमान मुख्यमंत्री देवेंद्र फडणवीस यांच्या राजीनाम्याची मागणी केली होती. राज्याचे मुख्यमंत्री ब्राम्हण असल्यामुळे मराठा समाजाला ते न्याय देऊ शकत नाहीत असे अनेकांचे मत होते. परंतु सध्या मराठा समाजाचे आरक्षण न्यायप्रविष्ठ असल्यामुळे या वादावर सध्या पडदा पडला आहे. परंतु मंगळवारी एका कार्यक्रमात मुख्यमंत्री देवेंद्र फडणवीस हे ब्राह्मण असले तरी मराठा समाजासाठी त्यांचे सर्वाधिक काम आहे, असे वक्तव्य आमदार विनायक मेटे यांनी केले आहे. ते बेलगावमध्ये एका भूमिपुजनाच्या कार्यक्रमात बोलत होते.
यावेळी बोलताना विनायक मेटे म्हणाले, देवेंद्र फडणवीस यांनी मराठा समाजासाठी अनेक योजना कार्यान्वित केल्या आहेत. तसेच मराठा आरक्षणाचा प्रश्‍न सुटावा यासाठी सर्वाधिक प्रयत्न देखील मुख्यमंत्री फडणवीस करत आहेत. आधीच्या सरकारमध्ये अनेक कामे सांगून देखील होत नव्हती. मात्र, आता राज्यात आणि जिल्ह्यात विकासाची मोठी कामे होत आहेत, असेही ते यावेळी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
