नवी दिल्ली | भारताचे पंतप्रधान नरेंद्र मोदी यांनी रविवारी भारतीयांशी मन की बात या कार्यक्रमाद्वारे ४५ व्या वेळी देशातल्या जनतेशी संवाद साधला. या संवादात त्यांनी योग, खेळ, जीएसटी आणि डॉक्टर श्यामा प्रसाद मुखर्जी यांच्याविषयी विस्तृत चर्चा केल्याचे दिसून आले.
Remembering the contributions of Dr. Shyama Prasad Mookerjee. #MannKiBaat https://t.co/fkSmVsaaPh pic.twitter.com/x1BCvHWfvN
— narendramodi_in (@narendramodi_in) June 24, 2018
जगभरात नुकताच साजरा करण्यात आलेला आंतरराष्ट्रीय योग दिन. या योग दिनाचा नरेंद्र मोदी यांनी आवर्जून उल्लेख केला. यावेळी बोलताना ते म्हणाले, जगाभरात योग दिवस उत्साहात साजरा झाला. योगदिनी दिव्यांग व्यक्तींनी विश्वविक्रम रचला हे भावूक करणारे होते. सौदी अरेबियामध्ये पहिल्यांदाच ऐतिहासिक कार्यक्रम झाला आणि अनेक महिलांनीही योगासने केली. जाती आणि धर्मातील सर्व सीमा तोडून देश योग करत असल्याचेही ते यावेळी बोलताना म्हणाले.
मोदींनी जनसंघाचे संस्थापक डॉक्टर श्यामा प्रसाद मुखर्जी यांची आठवण यावेळी करुन दिली. ते म्हणाले, श्यामा प्रसाद मुखर्जी यांनी अखंड भारताचे स्वप्न पाहिले होते. २३ जून रोजी श्यामा प्रसाद मुखर्जी यांची पुण्यतिथी होती. त्यांनी शिक्षण क्षेत्रात मोठी कामगिरी केली. वयाच्या 33 व्या वर्षी विद्यापीठाचे कुलगुरु पद त्यांनी भूषविले. भारतातील औद्योगिक वाढीत श्यामा प्रसाद मुखर्जी यांचा सिंहाचा वाटा आहे असेही ते यावेळी बोलताना म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
