पुणे | राज्यात स्वाभिमानी शेतकरी संघटनेकडून पुकारण्यात आलेल्या दूध आंदोलनाला हिंसक वळण प्राप्त झाल्याचे चित्र पहायला मिळत आहे. रविवारी मध्यरात्री पासून स्वाभिमानी शेतकरी संघटनेचे अध्यक्ष राजू शेट्टी यांनी पंढरपूरच्या विठ्ठलाला दुधाचा अभिषेक करुन आंदोलनाला सुरुवात केली आहे. राज्यातील काही सहकारी व खासगी दूध उत्पादकांनी दूध दरात केलेली तीन रुपयांची दरवाढ स्वाभिमानी शेतकरी संघटनेचे अध्यक्ष व खासदार राजू शेट्टी यांनी फेटाळून लावत रविवारी मध्यरात्री १२ वाजेपासून दुधाचे आंदोलन सुरू असून राज्यात ठिकठिकाणी दुधाचे टँकर अडविण्यात आले आहेत.
#Maharashtra: Workers of Swabhimani Shetkari Sangathna, a farmers' organisation, stopped vehicles near Pune early morning today, and prevented milk from being supplied to nearby cities. The organisation is demanding price hike for milk farmers. pic.twitter.com/z2a1D6YwMX
— ANI (@ANI) July 16, 2018
क्रांती, माऊली, मातोश्री, सोनईच्या गाड्या देखील कार्यकर्त्यांनी फोडल्याची माहिती प्राप्त झाली आहे. पुण्यात दुधाच्या पाच गाड्या कार्यकर्त्यांनी आंदोलना दरम्यान फोडल्या आहेत. तर बुलडाण्यात दूध दरवाढ आंदोलनाला हिंसक वळण प्राप्त होताना पहायला मिळत आहे. सौराष्ट्र एक्स्प्रेसला अमूल दुधाचा डबा कार्यकर्त्यांनी जोडू न दिल्यामुळे दुध पुरवठ्यावर याचा विषेश परीणाम होत आहे. चाळीसगावमध्ये शेतकऱ्यांनी रास्तारोको आंदोलन केल्यामुळे एक तास रस्ता रोखून धरला होता. दूध दरवाढ आंदोलनामुळे राजहंस, प्रभातसह सर्वच दूध संकलन आणि वितरण बंद राहणार आहे. स्वाभिमानी शेतकरी संघटनेच्या या आंदोलनाचे पडसाद महाराष्ट्रात ठिकठिकाणी पहायला मिळत आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
