HW News Marathi
क्राइम

गौरी लंकेश हत्येप्रकरणी बेळगावमधून आणखी एक जण ताब्यात

बेळगाव | जेष्ठ पत्रकार गौरी लंकेश यांच्या हत्येप्रकरणी आता अजून एका संशयिताला ताब्यात घेण्यात आले आहे. बेळगावमधील गणेशपूर येथील एका युवकाला ताब्यात घेण्यात आले आहे. या युवकाचे नाव सागर असून त्याने गौरी लंकेश यांच्या हत्येनंतर पळून जाण्यासाठी त्याच्या गाडीचा वापर करण्यात आल्याचा एसआयटीकडून संशय व्यक्त करण्यात येत आहे. गौरी लंकेश हत्याप्रकरणाशी जर सागरचे कोणत्याही प्रकारचे संबंध आढळले तर त्याला अटक करण्यात येणार असल्याची माहिती मिळत आहे.

एसआयटीकडून बेळगावातून एक ओमनी कार जप्त करण्यात आली आहे. पत्रकार गौरी लंकेश यांच्या मारेकऱ्यांनी हत्येनंतर याच ओमनीचा वापर करून तिथून पळ काढला असल्याचा संशय एसआयटीला आहे. तसेच ही ओमनी सागरची असल्याची शंकादेखील व्यक्त करण्यात येत आहे. १९ ऑगस्ट रोजी एसआयटीचे एक पथक बेळगावात दाखल झाले होते. सागर हा राजकारणाशी तसेच हिंदुत्त्ववादी संघटनेशी संबंधित असल्याची देखील माहिती समोर येत आहे. त्याचप्रमाणे आणखी तीन संशियितांची रेखाचित्रे देखील एसआयटीकडे आहे.

याआधी डॉ. दाभोळकर हत्याप्रकरणी अटक करण्यात आलेल्या सचिन अंदुरेच्या जप्त करण्यात आलेल्या पिस्तूलातूनच गौरी लंकेश यांची हत्या करण्यात आली असल्याचा दावा सीबीआयकडून केला गेला होता. तसेच विरेंद्रसिंह तावडेसोबत मिळून सचिन अंदुरेने या हत्येचा कट रचला होता, असा दावा देखील सीबीआयने जिल्हा सत्र न्यायालयात केला होता.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

गोध्रा जळीतकांड प्रकरणी महत्त्वपूर्ण निकाल

News Desk

किरण गोसावीच्या कोठडीत 8 नोव्हेंबरपर्यंत वाढ

News Desk

गार्डसोबत होते बायकोचे अनैतिकसंबंध , पतीने असे काही केले..

News Desk