सोलापूर । तेलंगणामधील ऑनर किलिंगच्या घटनेने संपुर्ण देशाला हदरवून टाकले होते. या घटनेची पुनरावृत्ती महाराष्ट्रातील सोलापूरमध्ये झाली आहे. शेतात काम करणाऱ्या सालगड्याच्या मुलासोबत लग्न केल्यामुळे ही हत्या करण्यात आली असल्याची माहिती मिळाली आहे. वडील आणि आई या दोघांनी आपल्या मुलीची हत्त्या केली. आरोपी वडील विठ्ठल धोंडिबा बिराजदार आणि आई श्रीदेवी बिराजदार यांना पोलिसांनी शुक्रवारी अटक केले आहे.

अशी झाली अनुराधाची हत्या

अनुराधा ही कर्नाटकमध्ये वैद्यकीय( बी.ए.एम.एस.) शिक्षण घेत होती. तिने शेतात काम करणाऱ्या सालगड्याच्या मुलासोबत लग्न केले होते. अनुराधाच्या वडिलांना हे कळताच ते तिला कर्नाटकातून घरी घेऊन आले. आणि अनुराधाचे मामा बाळासाहेब म्हमाणे हे बोराळमध्ये राहत होते. अनुराधाला तिच्या वडिलांनी मामाच्या घरी सोडून आले. थोड्या दिवसांनी अनुराधाची तोंडी परीक्षा असल्याचे कारण सांगून तिला बोरालमधून ४ ऑक्टोबरला घरी घेऊन आले. अनुराधा ५ ऑक्टोबरला शेतात हत्या केल्यानंतर तिथेच तिच्यावर अंत्यसंस्कार केले.

अनुराधाने मृत्यूपूर्वी दोन चिठ्ठ्या लिहून ठेवल्या होत्या. त्यात चिठ्ठीत लिहले होत की, “माझ्या आई-वडिलांपासून माझ्या जीवाला धोका आहे. माझ्या जीवाचे बर-वाईट झाल्यास माझ्या आई वडिलांना जवाबदार ठरवा,” अनुराधाच्या मामाने या घटनेची तक्रार पोलिसांना केली. या घटनेचा तपास पोलीस करत आहेत.