मुंबई | तरुणीच्या हातावर काठी मारुन मोबाइल चोरीचा प्रयत्न झाल्याची घटना घडली आहे. या मोबाईल चोरामुळे तरुणीला आपला एक पाय आणि हाताची काही बोटे गमवावी लागल्याची घटना सॅण्डहर्स्ट रोड स्थानकाजवळ घडली. कल्याणला राहणारी द्रविता सिंहा (२३) नेहमीप्रमाणे बुधवारी सकाळी ऑफिसला जाण्यासाठी सीएसएमटीच्या दिशेने जाणाऱ्या लेडिज स्पेशल लोकल ट्रेन पकडली होती.
लोकलमध्ये प्रवास करत असताना द्रविताला फोन आला. पण, नेटवर्क नसल्यामुळे फोनवर बोलण्यासाठी ती दरवाजाजवळ येऊन उभी राहिली. सॅण्डहर्स्ट रोड स्थानकाजवळ आल्यानंतर लोकलचा वेग कमी होताच प्लॅटफॉर्मवर उभ्या असलेल्या एका अल्पवयीन मुलाने द्रविताच्या हातावर काठी मारली पण, अचानकपणे हातावर फटका बसल्यामुळे तिचा तोल गेला आणि ती खाली पडली. द्रविता ट्रॅकमध्ये पडलेली असताना दुसऱ्या लोकलने तिला धडक दिली. या अपघातात तिला आपला एक पाय आणि हाताची काही बोटे गमवावी लागली. याचा फायदा आरोपीने घेऊन मोबाईल घेऊन फरार झाला.
या घटनेनंतर द्रविताला गंभीर जखमा झाल्या असून सध्या तिच्यावर उपचार सुरू आहे. जीआरपीला या घटनेची माहिती मिळताच त्यांनी सॅणडहर्स्ट रोड आणि मस्जिद या स्थानकावरील सीसीटीव्ही फुजेची पाहणी केल्यानंतर पोलिसांनी आरोपीला ताब्यात घेतले. अल्पवयीन आरोपी विरोधात हत्येचा प्रयत्न आणि चोरी करताना जाणुनबुजून इजा पोहोचवणे या गुन्हार्गत अलपवयीन आरोपीला अटक करण्यात आले. या संपूर्ण प्रकरणाचा द्रविताला प्रचंड धक्का बसला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
