मुंबई | झी मराठीवरील “तुला पाहते रे” ही मालिका अल्पावधीतच प्रेक्षकांच्या पसंतीत उतरली आहे. या मालिकेत अभिनेता सुबोध भावे व नवोदीत अभिनेत्री गायत्री दातार मुख्य भूमिकेत आहेत. वय विसरायला लावणारी विक्रांत सरंजामे आणि ईशा निमकर यांची रोमँटिक केमिस्ट्री प्रेक्षकांना खूप आवडत आहे. मालिकेत विक्रांतचा शत्रू जालिंदर आल्याने मालिकेत नवीन ट्विस्ट आला आहे. मालिकेत पुढे काय होणार आहे हे प्रेक्षकांना जाणून घेण्याची फार उत्सुकता लागली आहे.
विक्रांत आणि इशाची प्रेमकहाणी लवकरच पुढच्या टप्प्यावर पोहोचणार असून विक्रांत इशाला प्रपोज करणार आहे. परंतु यासाठी मालिकेचे निर्माते विशेष भागासाठी तारीख निश्चित करत आहेत. हा विशेष भाग ९ डिसेंबर रोजी प्रसारित करण्याचा विचार निर्माते करत आहेत. त्यामुळे विक्रांत इशाला कशा पद्धतीने प्रपोज करणार हे पाहणे उत्सुकतेचे ठरणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
