अमरावती | अभिनेत्री तनुश्री दत्ताने ज्येष्ठ अभिनेते नाना पाटेकर यांच्यावर केलेल्या आरोपांमुळे सध्या अभिनेते नाना पाटेकर वादाच्या भौ-यात सापडले आहेत. तनुश्री दत्तानेनाना पाटेकर यांच्यावर गैरवर्तनाचा आरोप केला आहे. मात्र नाना पाटेकर महिलेशी गैरवर्तन करेल असे वाटत नसल्याचे मनसे अध्यक्ष राज ठाकरे यांनी म्हटले आहे. नाना पाटेकर कितीही खराब असला, तरीही महिलेसोबत गैरवर्तन करणार नाही, असे म्हणत राज ठाकरेंनी नानांची पाठराखण केली आहे. राज ठाकरे सध्या विदर्भ दौऱ्यावर आहेत. त्यावेळी त्यांनी नाना पाटेकर यांच्यावर झालेल्या आरोपांवर भाष्य केले आहे.
नाना पाटेकर विचित्र गोष्टी करतो, याची मला कल्पना आहे. तो असभ्य माणूस आहे. मात्र असे असले तरीही तो महिलेशी गैरवर्तन करणार नाही, असे राज ठाकरे यांनी म्हटले आहे. या प्रकरणात न्यायालय निकाल देईल. त्यामुळे आपण फक्त आरोपांवरुन कोणाला दोषी धरु नये, असे आवाहन देखील राज यांनी यावेळी केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
