मुंबई | स्वातंत्र्यवीर सावरकर राष्ट्रीय स्मारक आणि अनामिक यांच्या वतीने स्वातंत्र्यवीर सावरकर यांच्या जीवनावर आधारित हे मृत्युंजय हे नाटक साईसाक्षी प्रकाशित करत आहे. त्याचा मुहूर्त स्वातंत्र्यवीर सावरकर राष्ट्रीय स्मारकाच्या मादाम कामा सभागृहात शानदार वातावरणात झाला. यावेळी स्मारकाचे कार्याध्यक्ष रणजित सावरकर, कार्यवाह राजेंद्र वराडकर, कोषाध्यक्षा मंजिरी मराठे, पदाधिकारी दुर्गेश परुळेकर, दिनू पेडणेकर आदी मान्यवर उपस्थित होते.
या नाटकाचे लेखन व दिग्दर्शन दिग्पाल लांजेकर यांचे आहे तर नेपथ्य संदेश बेंद्रे यांनी केले आहे. देवदत्त बाजी यांचे पार्श्वसंगीत असून प्रकाशयोजना शीतल तळपदे यांनी सांभाळली आहे. अजिंक्य ननावरे, संदीप सोमण, जयेंद्र मोरे, सुयश पुरोहित, शार्दुल आपटे, बिपीन सुर्वे, नितीन वाघ, विशाख म्हामणकर, केतन पाडळकर, योगेश दळवी, मधुसूदन सोनावणे हे यातील कलाकार आहेत. या नाटकातील परिच्छेदांच्या अभिवाचनाचा देखील कार्यक्रम यावेळी झाला. लवकरच हे नाटक रंगभूमीवर सादर होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
