सोलापूर | विधानसभा निवडणुकीच्या पार्श्वभूमीवर काँग्रेस आणि राष्ट्रवादी दिग्गज नेते आज (१ सप्टेंबर) भाजपमध्ये प्रवेश करणार आहे. सोलापूरमध्ये आज महाजनादेश यात्रेच्या दुसऱ्या टप्प्याची सांगता होणार आहे. या पार्श्वभूमीवर मुख्यमंत्री देवेंद्र फडणवीस आणि गृहमंत्री अमित शहा यांच्या उपस्थिती आज भाजपमध्ये पुन्हा एकदा मेगा भरती होणार आहे. सोलापूरच्या इंदिरा गांधी स्टेडियमवर सायंकाळी ६ वाजताच्या सुमारास भाजप भरतीचा सोहळा पार पडणार आहे.
उस्मानाबादमधील राष्ट्रवादीचे दिग्गज नेते विद्यमान आमदार राणा जगजीतसिंह पाटील आणि त्यांचे वडील पद्मसिंह पाटील आज भाजपमध्ये प्रवेश करणार आहेत. आमदार बबन शिंदे, जयकुमार गोरे, कोल्हापूरचे माजी खासदार धनंजय महाडिक, रामराजे नाईक यांचाही भाजप प्रवेश होण्याची शक्यता आहे. तसेच राष्ट्रवादी काँग्रेसचे खासदार उदयनराजे भोसले यांच्या भाजप प्रवेशावर गेल्या अनेक दिवसांपासून चर्चा रंगल्या आहेत. अखेर उदयनराजे ५ सप्टेंबरला भाजपमध्ये प्रवेश करणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
