विठूरायाला उन्हाचा त्रास होऊ नये म्हणून चंदनाचा लेप

अभिराज उबाळे

पंढरपूर – उन्हाच्या दाहापासुन होणारा त्रास कमी व्हावा म्हणून आज पासुन श्री विठ्ठल – रुक्मिणीला चंदन उटीचाचा लेप लावण्यास सुरवात झालीय . मृग नक्षत्र निघेपर्यंत दररोज देवाला ही चंदन उटी लावण्यात येते. मार्च महिण्यातच राज्यात उन्हाचा तडाका जाणवू लागलाय .सामान्य माणसाबरोबरच देवालाहि ऋतू मानानुसार त्रास सहन करावाच लागतो . देवाला या उन्हाचा त्रास कमी व्हावा या हेतुने ही पुजा केली जाते . पुजा करण्याची संधी भाविकानां मिळते . या पुजेचे खुप महत्व असून भाविक चंदन उटी पुजेची आवर्जून प्रतिक्षा करतात . श्री विठ्ठलाला चंदन उटीचे शुल्क १५ हजार रुपये तर रुक्मिणी मातेला ७ हजार ५०० आहे . मोठ्या भक्ती भावाने शेकडो भाविक या पुजेचा लाभ घेतात.