पुणे | पुण्यात काल (१४ एप्रिल) ४ तासांत ४ कोरोनाबाधितांचामृत्यू झाला होता. तर आज (१५ एप्रिल) पुण्यात २ कोरोनाबाधितांचा मृत्यू झाला आहे. या दोन्ही रुग्णांवर पुण्याच्या ससून रुग्णालयात उपचार सुरु होते. पुण्यात कोरोनामूळे मृत्यू झालेल्यांची संख्या आता ४० वर गेली आहे. तर, ससून रुग्णालयातच आत्तापर्यंत ३२ जणांनी प्राण गमावले आहेत. पुण्याचे महापौर मुरलीधर मोहोळ यांनी ट्विटरवरुन माहितीही दिली आहे. आज मृत्यू झालेल्यांपैकी एकाचे वय ७३ वर्ष होते आणि त्यांना किडनीचा आजार होता. तर, दुसऱ्या व्यक्तीचे वय ३४ असून लठ्ठपणाच्या व्याधी होत्या. या दोन्ही रुग्णांच्या कुटुंबीयांना आणि त्यांच्या संपर्कातील लोकांना क्वॉरंटाईन करण्यात आले आहे.
पुण्यात २ कोरोनाबाधित रुग्णांचा मृत्यू !
पुणे शहरात आज सकाळपासून २ कोरोनाबाधित रुग्णांचा मृत्यू झाला असून यातील भवानी पेठेतील ७३ वर्षीय पुरुषाचा आणि शिवाजीनगर येथील ३४ वर्षीय पुरुषाचा समावेश आहे. पहिल्या रुग्णाला किडनीचा आजार तर दुसऱ्या रुग्णाला स्थुलतेची समस्या होती.#Pune
— Murlidhar Mohol (@mohol_murlidhar) April 15, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
